جدة سلمى تطالب بإعدام القاتل أمام الجميع: ده كافر وبنتنا مؤدبة

طالبة جدة سلمى فتاة الشرقية بإعدام قاتلها أمام الجميع في أبو حماد، مشيرة إلى أن ابنتها محترمة وكانت تتمتع بأخلاق جيدة وسط الجميع.

وقالت جدة سلمى في لايف موقع “بصراحة”: محدش يعزينا دلوقتي دي مش بنتنا لوحدنا دي بنت أبو حماد كلها، أحنا لحد دلوقتي بنعاني من مشكلة نيرة تيجي في قلب بيتنا وفي عيالنا، بينهم وبين بعض شهور سلمى مؤدبة ومحترمه.

وواصلت: مكناش بنشوفها غير في السنه مره، ولو قولتلها سلام عليكم بتحط وشها في الارض،لي تخلوا بناتنا يقولوا مش هندخل كليات عشان خايفيين نيجي لاهلنا ميتين، سلمى دي بنت البلد احنا بنطالب بحق سلمى، لازم يتعدم قدام البلد كلها ده واحد كافر حسبي الله ونعم الوكيل فيه.

وأضافت: سلمى عملت اي دي واخده شهادة محترمه، كل طلبة اعلام ياخدوا حقها، حق سلمى يجي للبلد كلها، الواد ده كداب هي معملتش حاجه من اللي هو قالها، دي عيلتها كلها محترمه بتصلي ومش بيشوفوا المصحف من ايديها، وهي معملتش حاجه، ولو بنتي مشاغبة هقولك ممكن يحصلها كده، دي طرحتها تدل على الادب والاحترام، وكانت طالعة التانية على الدفعة.

مقتل فتاة على يد حبيبها بالشرقية

كانت النيابة العامة قد تلقت اليوم الثلاثاء الموافق التاسع من شهر أغسطس الجاري إخطارًا من الشرطة بارتكاب المتهم إسلام محمد جريمة قتل المجني عليها "سلمى" عمدًا، حيث طعنها عدة طعنات بسكين كان بحوزته، بالقرب من محكمة الزقازيق، أثناء دخولها مدخل عقار محل عمل إحدى صديقاتها، وأنه قد أُلقي القبض على المتهم حال دخوله العقار محل الواقعة.

وعلى ذلك انتقلت النيابة العامة إلى مسرح الجريمة وبرفقتها الطبيب الشرعي وخبراء الإدارة العامة لتحقيق الأدلة الجنائية؛ لمعاينته، ورفع ما به من آثار، ومناظرة جثمان المجني عليها، وتحفظت النيابة العامة على أجهزة تسجيل آلات المراقبة بمحيط المكان، وتحفظت أيضًا على السلاح المستخدم في الجريمة، وهاتفي المجني عليها والمتهم، وجارٍ عرضه على النيابة العامة لاستجوابه.

الصفة التشريحية

وانتدبت النيابة العامة الطبيبَ الشرعيَّ لتوقيع الصفة التشريحية على جثمان المجني عليها لبيان ما به من إصابات، وتحديد سبب الوفاة وكيفية حدوثها، وكذا فحص السكين المستخدم في الواقعة، وما علق به من آثار، كما أمرت بفحص كافة الآثار المادية المرفوعة بمسرح الحادث، وحددت عددًا من الشهود الذين رأوا الواقعة خلال ارتكابها لسماع شهادتهم، وجارٍ استكمال التحقيقات.