«بتصعب عليا نفسي وأنا عاجز».. الطفل مروان: نفسي امشي زي صحابي والعب كورة.. والده: قلبي بيتقطع على ابني وأنا شايفه كده (فيديو)

سيطرت حالة من الحزن والألم وقلة الحيلة على عائلة طفل لم يستطيعوا أن يوفروا له أبسط الأشياء التي يُريدها وهي أن يمشي على قدميه مثل الأطفال، ويلعب ويلهوا مع أصدقائه.

وقال الطفل مروان خلال لقاءه عبر موقع «بصراحة الإخباري»: «نفسي امشي والعب مع صحابي بالكورة في الشارع، نفسي امشي زي صحابي».

وأضاف والده: «مروان محتاج عملية تعديل عظام، من وهو عنده 5 سنين وعنده المرض ده، مروان بيبقى نفسه يلعب مع صحابه وأولاد عمه لكن مش قادر، وأنا مش بطلعه من البيت خوفًا عليه».

وتابع: «بقالنا 7 سنين بنجري بيه على الأطباء وإحنا ظروفنا صعبة أوي، وأنا رايح أدفع لابني فلوس العملية “التوك توك” اتسرق مني و8 آلاف جنيه كمان، بشوف ابني مش قادر يمشي قلبي بيتقطع».

وطالب والده: «ونطالب من أطباء العظام أن تُساعدنا في عملية مروان ليستطيع السير مثل الأطفال مرة آخرى».