جبروت امرأة في المقطم.. جمعت بين زوجين في وقت واحد وزوجها الأول ضبطها في حضن الثاني

في واقعة يندى لها الجبين، تسبب اخت وزوجه لسيدة من الأقصر في توريطها بالزواج ومعاشرة رجلين على ذمتها.

وواجهت النيابة المتهمة الأولى "نفيسة.ح"29 سنة"بارتكاب جريمة الزنا بالاشتراك مع المتهم "عبد المنصف. أ" في المقطم والجمع بين زوجين.

الجمع بين رجلين

أوضحت فيها السيدة التي غادرت الأقصر بعد خلافات ومشادات كلامية مع الزوج، ليدفعا ذلك إلى السفر إلى القاهرة والمكوث عن شقيقتها.

وتروي قصتها من خلال الاعترافات التي سجلتها النيابة، وتقول:اللي حصل ان حصل خلافات بيني وبين اخوات زوجي وبعد كده سبت الأقصر في شهر فبراير اللي فات عشان ابعد عنه وجيت القاهرة أقعد عند أختي أم هاشم بمساكن المقطم ولما كنت قاعدة عندها قالتلي هي وجوزها شحات إن جوزي عبد النبي طلقني و طلعولي قسيمة طلاق ووروها لي بس أنا مش بعرف اقرا ولا اكتب وبعدين قالولي مين هيخلي باله منك ومن عيالك ويصرف عليكو وقالولي اتجوزي عبد المنصف علشان ياخد باله مني ومن عيالي.

فندق وفلوس

وأضافت: بعد كده أجر لي شقة في بلوك 178 مساكن العبد وفي شهر يونيو اللي فات قابلت عبد النبي في رمسيس واعطاني فلوس وطلعت معاه فندق رمسيس ومش فاكرة اسمه وساعتها عاشرني معاشرة الأزواج وبعد كده سبته ورجعت عند اختي.

وتابعت: امبارح تفاجأت بعبد النبي بيخبط علي بابا الشقة بس أنا مكنتش اعرف انه هو اللي بيخبط مردتش افتح له ولما كلمت اختي قالتلي صوتي ولمي عليه الناس وبعد كده لقيت الحكومة بتخبط على الباب ففتحت لهم ونزلت ورحت معاهم علي بيت أختي وبعد كده اخدوني انا ومنصف بعد ما جاب عقدين الجواز العرفي اللي احنا كاتبينهم وودونا القسم.

بلاغًا من عامل يفيد بضبط زوجته في أحضان عشيقها

وكانت غرفة عمليات شرطة النجدة، تلقت بلاغًا من عامل يفيد بضبط زوجته في أحضان عشيقها داخل شقة مستأجرة في منطقة المقطم، وانتقل رجال المباحث لمكان الواقعة.

وتحفظ رجال المباحث على ربة منزل وعشيقها، وبسؤال المبلغ أفاد أنه ضبط زوجته داخل شقة مستأجرة بدائرة القسم، وتحرر محضر بالواقعة وتولت النيابة العامة التحقيق التى أمرت بحبسهما 4 أيام على ذمة التحقيقات.