ميدو يهاجم لاعبي الأهلي الكبار: الجون اللي جابه زياد طارق محدش فيكم يقدر يجيب زيه (فيديو)

تغنى أحمد حسام ميدو، بهدف زياد طارق لاعب فريق الكرة الأول بالنادي الأهلي في شباك الاتحاد السكندري خلال المباراة التي انتهت بفوز الأهلي بثلاثية نظيفة.

قال ميدو في تصريحاته عبر برنامج الريمونتادا على قناة المحور: "أقسم بالله لو الزمالك والأهلي لو صرفوا 20% من اللي بيصرفوها على الصفقات ووكلاء اللاعبين، لتطوير قطاع الناشئين، هيطلعوا أكثر من لاعب مميز يلعبوا فريق أول مستريح".

وأضاف: "الجمهور مش عبيط، ولما طالب بالاعتماد على الناشئين كان عارف إن الناشئين هيموتوا نفسهم في الملعب، لأن الناشئين دول كانوا بيحلموا بكدة من صغرهم" .

واختتم: "الجون اللي جابه زياد طارق، مفيش ولا لاعب من لاعيبة الأهلي الكبار يعرف يجيبه، مع احترامي للجميع، وكذلك أحمد سيد غريب، رأس حربة محترم".