«صقر» يبحث عن أولاده في شوارع الدقي: مراتي باعتني وأخوها ضربني

مأساة إنسانية ظهرت في شوارع الدقي بمحافظة الجيزة، بطلها الشاب "حاتم صقر" والذي يبحث عن أطفاله بعد طلاق زوجته.

قال صقر خلال لايف موقع بصراحة: "مراتي خدت مني عيالي بعد طلاقنا، عشان تشغلهم في البيوت والشحاتة في إشارات المرور، اتجوزتها في 2007 وطلقتها في 2020، قررت أنزل من قليوب للقاهرة عشان أدور عليهم، بقالي سنتين بدور عليهم وعمال أعيط في الشوارع، مش عارف عيالي عايشين ولا ميتين، خايف خالهم البلطجي يشغلهم في المخدرات، أخوها ضربني قبل كده وكسرلي سناني، وكنت بديها كل ما أملك بس طلعت طماعة وهربت بالعيال".