أول تعليق لـ ميار الببلاوي بعد سرقتها: المبلغ كبير ونفسيتي متحطمه |خاص

علقت الفنانة ميار الببلاوي، على سرقتها بمبلغ مالي كبير، مشيرة إلى أنها متحطمهنفسيًا منذ سرقتها أمس ولا تستطيع اتهام أحد.

وقالت ميار الببلاوي في تصريح خاص لـ”بصراحة”: المبلغ ده محدش يعرف عنه حاجه، ومش عارفه فين راحوا ومن امبارح مش لاقيه حل المبلغ ده شقى عمري، ومش عارفه اتهم حد.

وواصلت: مش عارفه الفلوس اتاخدت فين، أنا بعت صيغة بمبلغ وروحت حطيت الفلوس في البنك، ومش عارفه المبلغ ده راح فين، انا من امبارح مش عارفه انام دقيقة واحده.

وأضافت: أنا استعوض ربنا فيهم لو هما مبلغ قليل، اللي هيجنني ان محدش يعرف إني معايا فلوس، ومش بسيب فلوس في البيت ابدا نفسيتي متحطمه ومش عارفه اتلم على أعصابي.

ميار الببلاوي تتعرض للسرقة

من جانبه كانت قد أعلنت الفنانةميار الببلاوي، عن تعرضها للسرقة، وذلك من خلال منشور لها عبر حسابها الشخصي بموقع التواصل الاجتماعي فيسبوك.

وكتبتميار الببلاوي:اتسرق مني مبلغ كبير بالنسبالي، والكارثة معرفش مين وإزاي اختفى الطريقة عجيبة أوي، عارفة أنكم هتقولولي فداكي لكن بالله عليكم تدعو على اللي قهرني كده النهاردة، ونكد عليا وخد شقايا ورزق ابني بالسرقة الحرام.