خد شقايا ورزق ابني.. ميار الببلاوي تُعلن تعرضها للسرقة

أعلنت الفنانة ميار الببلاوي، عن تعرضها للسرقة، وذلك من خلال منشور لها عبر حسابها الشخصي بموقع التواصل الاجتماعي فيسبوك.

وكتبت ميار الببلاوي:اتسرق مني مبلغ كبير بالنسبالي، والكارثة معرفش مين وإزاي اختفى الطريقة عجيبة أوي، عارفة أنكم هتقولولي فداكي لكن بالله عليكم تدعو على اللي قهرني كده النهاردة، ونكد عليا وخد شقايا ورزق ابني بالسرقة الحرام.

أزمة ميار الببلاوي الصحية

وفي وقت سابق، كشفت الفنانة والإعلامية ميار الببلاوي، عن مرورها خلال الفترة الحالية بحالة نفسية سيئة للغاية، وتمنت من جمهورها الدعاء لها لعبور هذه الأزمة.

ونشرت ميار صورة لها وهي تنظر للسماء أمام البحر، وعلقت على الصورة، قائلة :"من امبارح مخنوقة وقلبي مقبوض وعصبية جدا ومليش نفس لأي شغل نهائي ولا عاوزه أرد على الموبايل ولا أكلم حد ومتخانقة مع جوزي وابني عنده امتحانات وبرضه مضايقاه ومش فاهمة فيا إيه عمالة أعيط».

وتابعت: "مش بقدر اتحرك علشان رجلي وعمالة أستغفر واقرأ قرآن وأصلي بس مش طايقة أكلم حد ولا حد يكلمني، ومع كدة حاسة بوحدة فظيعة وبرد من جوا قلبي مفيش أي حاجة ليها طعم باكل علشان ابني ياكل بس ومفيش أي متعة ولا فرحة".

وأوضحت:" بقالي كام يوم في حالة ربنا مايحكمها على حد حتى برنامجي وحلقة بكرة مليش نفس خالص ومش طايقة شغلي وكل محد يكلمني على ريفيو أعتذر ولما جيت أصور رجلي اتلوت، البيت يضرب يقلب لا عاوزه انضف ولا اغسل ولا اطبخ ولا طايقة البيت ولا عاوزة أخرج خالص من أوضتي تحديدا وكأن بيتي أوضه واحدة وبحضر للمعرض بتاعي والناس بتكلمني أعيط ومردش أنا حتى رحت لماما وشكيت لها بس برضه مرتحتش فيا يارب ادعولي بالله عليكم".

وخلال الفترة الماضية كانت الإعلامية ميار الببلاوي، أعلنت عبر حسابها بموقع التواصل الاجتماعي "فيس بوك" تعرضها لإصابة في قدمها تشتبه في أنها كسر.