قلة أدب.. ريهام سعيد تهاجم منتقدي إيمي تاتو

هاجمت الإعلامية ريهام سعيد منتقدي، خبيرة التجميل إيمي تاتو، بعد تداول العديد من الأنباء حول تقديمها برنامج عبر فضائية الشمس.

وكتبت ريهام سعيد عبر حسابها الشخصي بموقع فيسبوك:يا عالم الرحمة، أولا ايمي تاتو مش طالعة مذيعة على قناة الشمس دي فقرة في برنامج ليه مذيعة و الفقرة بتتكلم عن التجميل اللي هي اثبتت كفاءتها فيه.

وواصلت:ثانيا ايه كميه قله الادب دي وعلى فكره كل الي كاتب بوست يهاجم هايموت يشتغل في الاعلام هي ايمي الي خدت الفرصه منك ؟ لا محدش بياخد رزق حد.

وأضافت:على فكرة في ناس على الشاشات بفلوسها وفشلة ومحدش بيتكلم جيتوا على الغلبانة اللي نحتت في الصخر لحد ما وصلت،إيمي دمك خفيف و عندك كاريزما و تتحبي و هاتكسري الدنيا مش كل الي بيطلع علي الشاشه نسميه اعلامي في متدرب بس احنا بقينا صعب اوي.

وأختتمت ريهام سعيد:حد فكر ممكن تبقى هي نفسيتها عامله ازاي دلوقتي، مش مهم صح ؟ المهم تطلع عقدك علي الناس و بس وفيديوهاتها اللي عامله ملايين هو ده مش جمهور ؟ عيب بقى الفاشل يطلع عقده علي الناجح لان و الله ما هاتاخد اكتر من رزقك.

إيمي تاتو تقدم برنامج

من جانبه كانت قد أعلنت خبيرة التجميل إيمي تاتو، التي تصدرت التريند في الشهور الماضية من خلال ظهورها في عدد من الفيديوهات واللايفات عبر حسابها على موقع التواصل الاجتماعي فيسبوك، عن خوضهاتجربة التقديم التليفزيوني من خلال برنامج "ضي القمر" عبر قناة "الشمس" .

برنامج "ضي القمر" يعرض يوم الأحد الساعة 7 ونصف مساء، ويعاد يوم الخميس الساعة 3 صباحا،وتناقش في البرنامج كل ما يخص المرأة وجمالها سواء الشكلي والروحي، وما ينقص أي امرأة.