والد «فتاة البراجيل» أمام المحكمة: القسيس كلمني ومش هتصالح في دم بنتي 

مش هقبل أي تصالح في دم بنتي، بهذه الكلمات المؤثرة وبدموع الأب، رفض والد فتاة البراجيل الطفلة أمل، التصالح مع أسرة المتهم بإنهاء حياة ابنته في ثالث جلسات محاكمة المتهم.

قال والد فتاة البراجيل خلال لايف بصراحة: "مش هقبل أي صلح في قضية قتل بنتي، ابن أختي يستاهل 100 إعدام مش واحد بس، القسيس اتصل بيا مرتين والمحامي بتاع المتهم 6 مرات ورفضت أرد عليهم، رقبة المتهم متكفيش حياة بنتنا الوحيدة، مش هفرط في حق بنتي ولازم القسيس يعرف كده، والد المتهم نفسه كلمني وقالي هاجي للقاضي أقوله ابني لازم ياخد إعدام".