بعد توبته.. فارس حميدة يهاجم مشاهير التيك توك: بيعملوا حاجات شاذة

هاجم المنشد الديني فارس حميدة، مشاهير التيك توك وذلك من خلال فيديو لها عبر قناته الرسمية بموقع الفديوهات الشهير يوتيوب.

وقال فارس حميدة:أنا عامل الفيديو لأخواتي وحبايبي اللي بيقدموا محتوى على التيك توك أو غيره، سواء مشاهير أو غير مشاهير.

وواصل:إنتوا مسئولين عن عقلية جيل كامل، مش ببالغ، فلو سمحتم تتقوا ربنا في المحتوى المقدم،غير المشهورين في التيك توك، مش عشان عاوزين تتشهروا تبينوا بنات معاكم، وتقل من نفسك.

وأضاف:والله تغور الشهرة اللى تيجي كدة، ومش عشان شوية فلوس قذره، تطلعي تعري نفسك في لايف، كله بقى عايز يعمل الحاجة الشاذة عشان الفلوس والمشاهدات، بنشوف ناس بتعمل حاجات غريبة ولا طبعنا ولا مبدأنا وتربيتنا.

وأختتم فارس حميدة قائلًا:أخواتي المحترمين اللى عندهم فانز بيحبوهم، ياريت تفكر تعمل حاجة تفيد الناس وتعلمهم واستخدمها في الخير، الكلام من قلبي ومكنتش عارف أكتمه.

مؤدي مهرجان «مفيش صاحب بيتصاحب» يعلن اعتزاله الغناء والتوجه للإنشاد الديني

من جانبه كان قد أعلن مطرب المهرجانات فارس حميدة، والذي قدم قبل أعوام مهرجان مفيش صاحب بيتصاحب، عن اعتزاله الغناء بشكل نهائي، والتوجه الى الانشاد الديني.

ونشر عبر حسابه على موقع التواصل الاجتماعي فيسبوك، أول أنشودة دينية قدمها مع مطلع السنة الهجرية، تحت اسم «العليل – فكيف السبيل إلى أن أتوب» وعلق قائلا:«مع بداية عام هجري جديد نبدأ نحن بداية جديدة فى عالم مليء بالخير والصالحين وهو عالم الدعوة الى الله، ونسأل الله الإخلاص في العمل»، والأنشودة من كلمات عبد الرحمن العامري، وتوزيع محمد بدر، وتصوير مودي رجب.