«أحمد حمد والغزيري وجهًا لوجه».. موقع بصراحة يكشف التفاصيل الكاملة للواقعة.. دفاع محمد عادل: كان بيتصل ببلطجية واعتدى عليا.. الإعلامي: المحامي ضربني وسبني وعملت محضر

كشف أحمد حمد دفاع المتهم محمد عادل قاتل نيرة أشرف تفاصيل مُثير حول مقطع الفيديو المنتشر على مواقع التواصل الاجتماعي حيثُ ظهر مقطع فيديو خلال الساعات الماضية يوثق فيه اشتباك بين أحمد حمد والإعلامي محمد الغزيري .

ضربني وبكى

وقال أحمد حمد دفاع المتهم محمد عادل في تصريحات خاصة لموقع «بصراحة»: «الواقعة تمت في شارع البحر بطنطا، وأنا ماشي بالعربية سبني بألفاظ خارجة ووقفني بالعربية ولقيت مجموعة حواليا».

وأضاف أحمد حمد: «تفاجأت بعربية بتوقفني وبعدين نزل ومسك فيا وفيه ناس بتوع محل عصير قصب بيحاولوا يفضوا، ولقيته بيكلم ناس بلطجية عشان يجيوا ويعتدوا عليا».

وأعرب: «مش لا قي سبب مقنع عشان يعمل كده، وكمان تعامله معايا سطحي، والقضية دي هابلة الناس على مواقع التواصل الاجتماعي يا جماعة ». وتابع: «هو اللي قرب من عربيتي وقعد يضرب فيها وأنا اللي صورت الفيديو اللي اتنشر من موبايلي حاسيت ان الموضوع هيكبر ركبت العربية ومشيت».

وانتشر مقطع فيديو خلال الساعات الماضية، على مواقع التواصل الاجتماعي، يوثق حالة اشتباك بين أحمد حمد دفاع محمد عادل قاتل نيرة أشرف، والإعلامي محمد الغزيري مقدم برنامج الحقيقة على شاشة «الحدث اليوم».

اشتباك بين أحمد حمد والغزيري

ومن جانبه قال محمد الغزيري في تصريحات خاصة لموقع «بصراحة»: كل اللي حصل معايا وتحرر عن ذلك المحضر رقم 20937 جنح ثان طنطا لسنة 2022 شروع فى قتل، وتم اثبات ذلك في محضر رسمي».

وأضاف: «أنا بصلي الفجر وبتمشى في شارع البحر أنا وبعض أصدقائي تفاجأت بالمحامي ومعاه شخص حاول يزنق عليا بالعربية، ولقيت وابل من السباب وأبشع الشتائم وعايز يعتدي عليا».

وأعرب: «لولا تدخل بعض الأهالي كنت مش عارف ايه اللي حصل، كانت الساعة 4 الفجر وكنت لوحدي مش معايا حد، وهو كان معاه شخص اسمه (هـ ) وكان عايزه يضربني».