اتقابلنا كذا مره.. الفنان باهر النويهي يكشف علاقته بـ نيرة اشرف

كشف الفنان باهر النويهي عن علاقته بطالبة المنصورة نيرة أشرف، وذلك من خلال مقطع فيديو عبر حسابه الشخصي بموقع التواصل الاجتماعي “انستجرام”.

وقال باهر النويهي خلال الفيديو:الفترة اللي فاتت أنا قريت وشوفت اسمي موجود في كذا خبر وفي كذا فيديو ليه علاقة بحادثة مقتل نيرة أشرف والموضوع دا مضايقني جدًا لأن الأخبار دي في منها كتير ملوش علاقة بالصحة.

وواصل:وفي ناس ابتدت تقرأ الأخبار دي وتصدقها وتيجي تكتب عندي كومنتس وتقول باين عليه حبيبها ومخبي.

علاقة نيرة اشرف بالوسط الفني

وأضاف:وبعدين واحد دخل كتب على صورة أنا عامل فيها حادثة بالعربية وكنت هموت، وقالي عشان تعرف أن الموت قريب من كل الناس عشان تبقى تتخلى عن نيرة أشرف وتمسح صورها.

وعن حذف صوره مع نيرة أشرف قال النويهي:"هو الحقيقة أني أنا مسحت صورها فعلا لأن فيه ناس بعتتلي أن الصور دي تشهير بيها وأنا مش فاهم ايه اللي في صور يشهر بنيرة، لأنها مفيهاش حاجة مسيئة بس أنا قررت أني أمسح الصور عشان مبقاش جزء من الموضوع دا.

واستكمل:أنا أعرف نيرة من خلال ناس صحابي، واتقابلنا واتكلمنا كذا مرة بس الكلام كان على القد،ومن خلال معرفتي بنيرة فهي بني آدمة كويسة جدًا ومحترمة جدًا وعمري ما شوفت منها حاجة وحشة ولا اتكلمت معايا عن الوسط الفني ولا عن أنها عايزة تخش الوسط الفني.

وأختتم باهر النويهي قائلًا:ويالنسبة للصورة فهي صورة جماعية في مكان عام، وعادي جدًا كلنا بنتصور في جماعة، مع حد ممكن لسه مقابلينه أو نعرفه بطريقة سطحية.