عمري ما شوفتها.. عايدة رياض تنفي مشاركتها نيرة أشرف في عمل فني |خاص

أعربت الفنانة عايدة رياض، عن استيائها الشديد، مما تم تداوله عن أن طالبة المنصورة عايدة رياض كانت ستشاركها عمل فني قبل مقتلها.

وقالت عايدة رياض في تصريح خاص لـ”بصراحة”: أنا معرفش مين نور ده وزهقت، من كل اللي بيجيب في سيرتي بأعمال معملتهاش، وعمري ما شوفت نيرة أشرف، نفسي أفهم مين مؤمن نور ده.

من جانبه كانت قد ذكر المخرج مؤمن نور أن الفنانة عايدة رياض كانت ستشارك الطالبة نيرة أشرف طالبة المنصورة، عمل فني جديد، وأكد أنها خافت من الإفصاح بذلك.

عايدة رياض ومعاناتها من السرطان

في وقت سابق كانت استعادت الفنانة عايدة رياض، ذكرياتها مع مرض السرطان، بعدما تماثلت للشفاء منه، بعد رحلة طويلة من المعاناة، قائلة: "الحمد لله ربنا قومني بالسلامة، ووقفت على رجلي من تاني".

وكتبت عايدة رياض، عبر حسابها الرسمي على موقع تبادل الصور والفيديوهات "إنستجرام": "كل ما أشوف الصورة دي بشكر ربنا إنه أحياني من تاني بعد ما كان السرطان واكل صحتي وجلسات الكيماوي كانت بتوقع لي شعري.. ممكن تاخدوا بالكم من ملامحي كانت مرهقة ازاي محدش هيحس بالمرض إلا صاحبه".

وتابعت عايدة رياض، قائلة: "أنا فعلًا وقتها كنت في حالة صمت، وكنت بشتغل وأنا مريضة كانت معاناة، والحمد لله ربنا قومني بالسلامة، ووقفت علي رجلي من تاني و كل ما أقوم من النوم بحمد ربنا أنه شفاني وعافاني ربنا يحميكم ويحفظكم يا حبايبي".