حلا شيحة تكشف حقيقة طلاقها من الداعية معز مسعود

تصدرت الفنانة حلا شيحة تريند مواقع التواصل الاجتماعي والسوشيال ميديا، عقب انتشار العديد من الأخبار التي تفيد بطلاقها من الداعية معز مسعود.

حلا شيحة و معز مسعود

وأعربت الفنانة حلا شيحة، عن استيائها وغضبها الشديد من مثل هذه الشائعات، مما دفعها لكتابة بوست طويل عبر حسابها الشخصي بموقع تبادل الصور والفيديوهات الشهير"انستجرام"، تقول فيه:" لكل المتابعين و المحبين علي صفحتي و في الوطن العربي حابة اقولكم مفيش اي خبر اتكتب عن معز و عني يخص الطلاق صحيح و كلامي في البوست اللي فات كان كلام عام و لم اقصد بيه حد معين ابداً".

وأضافت:"معز بعيد عن الكلام ده تماماً بالعكس هو سبب كبير،لحاجات جميلة في حياتي وحياة أولادي و مشفتش كتير زي اخلاقه و احترامه و عيب الكلام اللي بيتقال عن صفحات السوشيل ميديا كله مش صح ابدا ً".

وتابعت:"والله في مشاكل اكبر بكتير و حاجات اهم بكتير ممكن نتكلم فيها .. و انا علي صفحتي بحب اشارك جمهوري ساعات بمعاني بحسها و بحسهم زيي و بحب اتواصل معاهم و ابقى موجودة معاهم مش اكتر من كدة".

وأوضحت :"بالنسبة لحجابي انا قلت بحاول زيي زي بنات كتير و اكيد مش احسن حاجة بس انا كدة دلوقتي و الحمد لله".

وأكدت حلا، قائلة :" انا مش شيخة انا انسانة عادية جداً ليا حسناتي و ليا سيئاتي و البشر كلهم كدة فبلاش حد يزايد علي حد و بدل ما نتريق او نقول كلام مش مهم نكون متصالحين مع نفسنا و نبطل نحكم علي بعض احنا بشر مش ملايكة".

حلا شيحة

شاركت الفنانة حلا شيحة، متابعيها مجموعة صور تجمعه بأولادها و صديقاتها عبر حسابها على إنستجرام. و كتبت حلا شيحة، قائلة: لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل و لحظات مع نفسنا بنتأمل فيها حياتنا كل ايامنا لحظات .

وأضافت:علشان كدة مفيش حاجة تستاهل الزعل و التفكير الزيادة وأجمل حاجة أن الواحد لما يتعب او يحس انه تايه او متلخبط لازم يبقي متأكد ان مشاعره بتقوله حاجات محتاج يعرفها او يفهمها او يفهم نفسه اكتر و نتعلم و مش عيب نقول غلطنا و مش عيب نصلح اخطاءنا بس اهم حاجة منكملش و نعاند نفسنا و نعاقب نفسنا ونحكم علي نفسنا بالفشل الفشل اننا نسيب نفسنا جوا نفس المشاكل و نستسلم.