رغم الهزيمة.. عمرو محمود ياسين:"النادي الأهلي ارقى واعظم نادي بكل تفاصيله"

علق الفنان والسيناريست عمرو محمود ياسين، على هزيمة النادي الأهلي من الزمالك، وكذلك على تصرف الكابتن سيد عبد الحفيظ، مدير الكرة بالنادي الأهلي متجاهلا الممر الشرفي الذي أقامه فريق نادي الزمالك أول أمس لفريق النادي الأهلي بعد مباراة كأس مصر.

عمرو محمود ياسين والنادي الأهلي

وكتب عمرو محمود ياسين عبر حسابه الرسمي بموقع التواصل الاجتماعي "فيسبوك"، قائلا:" الناس بتقولك إن الزمالك في السابق رفض الممر الشرفي من الأهلي.. واعتقد كلنا شوفنا ده تصرف غلط".

وأضاف:"أنا بشوف الأهلي (وانا حر برأيي) ارقى واعظم نادي بكل تفاصيله اللي من ضمنها فكرة اني لا انجرف للتصرفات الخاطئة، وامارسها، على اعتبار ان اللي قدامي بيتصرف كده فانا كمان هعمل زيه، لا الحقيقه انا ما شوفش كده".

وتابع:"انا اشوف ان الكبير بيفضل كبير بإصراره ع انه دائما يكون واقف في المربع الصح.. يكون دايما مائل للصواب و منضبط و مثمن للقيم اللي النادي الأهلي نفسه يعتنقها".

واختتم ياسين حديثة، قائلا:" اما بقى لو المبدأ كده. طيب.. يبقى كل ما حد يعمل تصرف غلط و "صغير" نروح نقلده ونعمل زيه!! و نبقي كلنا صغيرين وخلاص".

كماقام الفنان والسيناريست عمرو محمود ياسين، مساء أمس بنشر صورة للكابتن سيد عبد الحفيظ، مدير الكرة بالنادي الأهلي متجاهلا الممر الشرفي الذي أقامه فريق نادي الزمالك أمس لفريق النادي الأهلي بعد مباراة كأس مصر.

عمرو محمود ياسين لـ" سيد عبد الحفيظ"

وعلق عمرو محمود ياسين، على الصورة التي نشرها للكابتن سيد عبد الحفيظ عبر حسابه الرسمي بموقع التواصل الاجتماعي "فيسبوك"، قائلا:"اتمنى من الكابتن سيد عبد الحفيظ مراجعة نفسه في أمور كثيرة ..وهذه الصورة لا تصح .. دي رياضة يا كابتن سيد احنا مش في خناقة .. و ده شكل غير رياضي وغير حضاري "

وفي وقت سابق،أعرب الفنان والسيناريست عمرو محمود ياسين، عن غضبه الشديد، من تداول العديد من رواد مواقع التواصل الاجتماعي، والسوشيال ميديا، حالة من التعاطف مع قاتل طالبة جامعة المنصورة"نيرة أشرف"، بعد سماع أقواله اليوم، في أولى جلسات محاكمته.

وعلق عمرو محمود ياسين، على هذه الحالة، قائلا:" أي شخص يحاول البحث عن تفصيلة تخليه يتعاطف مع مجرم و قاتل في قضية زي قضية نيره فهو".

وأكد ياسين، قائلا:"ايضا بنظري مجرم و مشروع قاتل جديد ع الطريق".

وكانت شهدت أولى جلسات محاكمة المتهم بقتل طالبة المنصورة نيرة أشرف، حوار بين المتهم محمد عادل وقاضي محكمة جنايات المنصورة، وجاء نصه كالتالي:

القاضي: أنت شوفتها في الأوتوبيس هي وصاحبتها منة؟

المتهم: لا! صاحبتها إللي مسيبة شعرها زيها

القاضي: أنت خدت السكينة معاك ليه؟

المتهم: أصلها كانت مهدداني فخدت السكينة عشان أدافع بيها عن نفسي ولما لقيتها بتضحك في الأوتوبيس قلت لا بقى خلاص دي تستاهل

محامي نيرة: أنت ليه قتلتها بالوحشية دي وكنت عايز تقطع رقابتها؟

المتهم باستهزاء: وحشية إيه؟ أنا قتلتها وخلاص

القاضي: ندمان؟

المتهم: آه عشان أهلي ومستقبلي

القاضي: في حاجة تانية عايز تقولها؟

المتهم: آه المفروض أهلها وخصوصا أمها هما اللي يتسئلوا هما السبب في اللي حصلها