«وحيد أمه».. تفاصيل غرق قبطان مصري في المحيط الهندي 

غرق قبطان مصري في المحيط الهندي | «فينك يا قلب أمك».. بهذه الكلمات استغاثت والدة الطالب سامح سيد شعبان، بعد اخطارها من قبل الكلية البحرية الأردنية، بفقدان نجلها في المحيط الهندي بعد غرق المركب التي كان على متنها برفقة طاقم كامل، وان لا وجود له حتى الآن.

نشر صديقه، عبر صفحته الشخصية على "فيسبوك": “أخويا مفقود في عرض البحر وفاضل يومين على إنه يقدر يعيش من غير لا أكل ولا شرب ومحدش بيتحرك".

وقال صديقه محمود راغب:“ بعد إذن الناس كله يعمل شير حق أخونا وصاحبنا القبطان سامح سيد شعبان كامل خريج دفعة 2021/2020 من الأكادمية البحرية الأردنية، شاب من الشباب المحبوبة والفئة المتوسطة داخل محافظة الفيوم، دخل الكلية زي أي حد واتخرج وجه أخد شغل على مركب تجارية سافرت بيه شهر 2، بيتواصل معانا كل فترة من الفترات عادي”.

غرق قبطان مصري في المحيط الهندي

وأضاف : "الشهر اللي فات بعتلنا أنا المركبة اتخرمت وبايظة والناس مش عاوزين ينزلوهم ومكملين بيهم وبيلحموا السفينة، طبعا اتجاهم ركبوا من اليابان وبعدين راحوا كوريا والصين، المهم كذا بلد لحد جزر المالديف والسفينة اتخرمت طبعا، وعملوها وتتخرم، المهم إن سامح مصورلنا كل حاجة صوت وصورة، والمركب بتدخل مياه، جم يوم 6/20 عملوا مشاكل مع القبطان وراجعوا واحد مصري من الإسكندرية من كتر المشاكل اللي عملوها، يوم 7/14 غرقت المركب كانوا 12 واحد فى المياه نزلوا فى زورق فى المياه ف نص المحيط الهندي".

المحيط الهندي

وتابع: "عملوا استغاثة، أقرب سفينة ليهم كانت على بعد 12 ساعة منهم، بعد ساعة من غرق السفينة وقع سامح من على الزورق ف المياه والموج أخده بعيد عن الزورق، حاول صاحبه القبطان محمد جمال يلحقه بس للأسف البحر اخد الاتنين كانوا لابسين لايف جاكيت وبعدوا عن المركب بعد 10 ساعات من الحادث، الزورق باظ وبعدها بساعتين السفينة جت اخدت الـ10 الفاضلين من الـ12 شخص اللي كانوا ع الزورق، سامح ومحمد مش موجودين، ولا لقيوا حتى جسسهم، مش طالبين غير إن الناس تقف معانا، عاوزين صاحبنا وأخونااا حتى لو جثته، اللي يعرف حد يكلمه الراجل ده ولد وحيد أمه وأمه بتموت عليه لا عارفين هو عايش ولا ربنا توفاه".