حلمي بكر: حميد الشاعري كان بيغني بكوتشي مقطع وابنه محتاج تربية

مازالت حرب التصريحات بين الملحن حلمي بكر والفنان حميد الشاعري مستمرة، ووصلت لحد اتهام الكابو بتدني الذوق الموسيقي ليصل لأغاني المهرجانات.

حلمي بكر يهاجم حميد الشاعري وابنه

قال حلمي بكر: "حميد الشاعري كان بيلبس كوتشي مقطع، ودا وصلنا لمأساة، نحن كموسيقيين تقبلنا المدارس المتنوعة، وحميد الشاعري جاء بلون كان جميل وخفيف على الشباب، ولكن مظهر الفن كان لا يليق بجوهره، كان بيطلع لابس ترينج وشبشب أو كوتشي مقطع، وهو دا اللي وصلنا اننا بقينا نسمع شاكوش وبنسة ومفك، إحنا في ماساة بجد"، حسب تصريحاته لبرنامج "آخر النهار".

نجل حميد الشاعري يفتح النار على حلمي بكر

كما رد بكر على تصريحات نديم حميد الشاعري الذي كتب عبر حسابه بموقع Facebook منذ أيام: ""أستاذ حلمى لو محتاج مساعدة ماديا أو نفسيا الكابو -حميد الشاعري- مش حيتاخر عليك، لكن ما ينفعش كل ما تتزنق تروح برنامج تجيب سيرة حميد الشاعرى الى للأسف تاريخك ميجيش تمن تاريخه ولا فنيا ولا أخلاقيا للأسف، ٣٠ سنة من عمرى ما بيعملش حاجة فى حياته غير التقليل من الناس و من الفنانين و من أعمالهم".

فقال بكر: "لما الولد يقول أبويا مستعد يساعدك، لا، دا كدة أبوه هو اللي محتاج مساعدة، وهو نفسه محتاج مساعدة أن أبوه يربيه، والولد هاجمني عشان دي الموضة، مش إدعاء، ودلوفتي بيقولوا لو عايز تشتهر خلي حلمي بكر يشتمك".