ماجد المصري: مش بجري ورا الأسامي والمهم الدور اللي بعمله يكون كويس

تحدث الفنان ماجد المصري، عن ميولاته للادوار الفنية الذي يقدمها، مشيرًا إلى أنه لا ينساق خلف أسامي أبطال العمل الذي يشارك به ولا يشغله ذلك الأمر.

وقال ماجد المصري خلال لقائه مع موقع "بصراحة": "أنا مش بجري ورا الاسامي، ما انا عملت توبة وكان باسم عمرو سعد فدي مش قصة، فكون إني العب "بحر" باسمي وزلزال باسم محمد رمضان، مفيش مشكله المهم الدور اللي أنا بعمله ايه".

وعن قدرته في التوفيق بين مسلسلين في رمضان 2022، قال:"الحمد ربنا وفقني في شخصية يوسف المالكي في رمضان وشخصية سيد الأجنبي، يعني كنت بركب الطيارة، ابقى سيد الاجنبي، ارجع القاهرة ابقى يوسف المالكي".

وأضاف: "ربنا أكرمني وعرفت اجسد الشخصيتين وكسبت شخصيتين جداد لتاريخي الفني الصغير، وادوار الشر بتيجي برزقها على حسب الكتابة جايه ازاي، فربنا بيلهم الواحد انه يعمل تغيره بسيطة في الشخصية عشان متبقاش زي اللي قبلها".

وعن إمكانية مشاركة أبنائه في أعمال فنية قال ماجد المصري: "ولادي الرجالة يشتغلوا إنما البنت لا، لان الشغلانه دي متعبه جدًا، وأنا مش حابب ده".

وأختتم ماجد المصري حديثه قائلًا:"انا عندي مسلسل في مهب الريح مع هند صبري وإياد نصار، وهدى المفتي، بقيادة المخرج أحمد خالد موسى فده احنا شغالين فيه وهنكمله قريب، وعندي فيلم خمس جولات لكن متوقف دلوقتي وفي مجموعه جديده مع نجوم شباب".