خاص| أحمد بحر:"عمرنا ما أستغلينا انا وفريق بلاك تيما حب الكينج محمد منير "

أعرب عضو فريق بلاك تيما أحمد بحر، عن سعادته البالغة بتقديم الفريق أولى فقرات حفل الكينج محمد منير أمس في حفلته بالاسكندرية، مؤكدًا أن الكينج دائمًا داعم لهم.

وقال أحمد بحر في تصريح خاص لـ"بصراحة": امبارح يوم ولا في الاحلام صعب يتوصف بالنسبة لنا دي حاجه فوق الاحلام بكتير، أنا مخضوض من التعليقات وردود الأفعال لأن أنا مكنتش متوقع كده، ردود الفعل معديه وحاسس إن الناس سعيدة ومبسوطه، ودي حاجه تخلي الواحد يكمل ويركز، ويخلي باله من المزيكا.

وأضاف: "بنحاول نمشي على نفس الخطى بتاع محمد منير، وفي إشادات كبيرة، من أول ما البوستر نزل، والناس على طول قالوا هنحضر الحفله، وانتوا بسطونا، محمد منير أصلًا هو الأيقونة وجوه قلب الفريق كله، ودعمه لينا دايمًا موجود، ولما قالوا ليه إن أحنا هنغني في الحفله هو أكيد وافق على طول".

وتابع: "ده دعم بالنسبالي هفضل فاكرله طول العمر، حتى قبل ده عمل ده معانا في 2015، وهو على طول بيدعمنا، لأن عمرنا ما استغلينا حبه لينا خالص".

وأختتم أحمد بحر قائلًا: "أنا فخور وكل فريق بلاك تيما فخور إن بعد سنين كتيرة جدًا ربنا رضانا، وطلعنا غنينا مع الكينج، فدي أهم خطوة في تاريخنا إن أحنا طلعنا غنينا معاه، وأنا بحب أقول عليه الملك".

جديرًا بالذكر كان قد أحيا الفنان محمد منير أمس حفلًا في أحد الفنادق الكبرى بالاسكندرية، بعد غياب أكثر من 10 سنوات عن الحفلات، ونظم الحفل كل من عمر عز و محمود عبد القادر بمشاركة كل من إبراهيم العطا للتصوير و طارق صبري للاضاءه وعماد نبيل للصوت وشريف صبري مذيعاً للحفل ووديع عزمي للتغطية الإعلامية.