اغتصبها 5 ساعات متواصلة.. ابن عمتها يعتدي عليها جنسيًا ويقتلها

شهدت منطقة البراجيل بمحافظة الجيزة، واقعة مأساوية حيثُ تجرد شاب من كل معاني الإنسانية وتعدى عليها جنسيًا، وظلت تدافع عن نفسها، فحاول أن يخضعها، وطعنها طعنة نافذة في البطن، ولم تهدأ وظلت تقاومه ومن ثم نحرها.

وقال والد الضحية في تصريحات خاصة لـ موقع «بصراحة الإخباري»: «بنتي رفعت راسي مستسلمتش فضلت تدافع عن نفسها ومقدرش ابن عمتها ياخد منها حاجة غصب عنها، وطعنها في بطنها بالسكينة، ولكنها لم تصمد ظلت تقاومه حتى نحرها، عملت ده كله عشان ترفع راسي، وضحت إنها تموت بشرفها أفضل من اغتصابها».

وأضاف والد الضحية: «وكل ده والمتهم مش عارف ان فيه كاميرات بتسجل، وأخد التليفون ورماه ومسح كل حاجة، وأول ما قتلها فضل متواجد في المكان وراح قال للأهالي أنا روحت أشوف ابن خالي جه من الجيش ولا لا روحت لقيت أمل مقتولة».

وتابع والد الضحية: «أنا عن نفسي من اللي حصل واللي كان بيعمله محدش شك فيه، والشرطة والنيابة أبذلوا جهدهم لحد من توصلوا للمتهم، كنت بعامله زي ابني وطلع خاين».

وأعرب: «كل يوم باجي من الشغل بدخل الأوضة اللي توفيت فيها وأبوس الأرض».

واختتم: «أنا مش متنازل عن القصاص رقبته قصاد رقبتها، لأن مينفعش ياكل ويشرب وينام ويمارس حياته عادي وهي تموت».