محمد نجاتي: بضطر أمثل عشان عندي التزامات وعايز أعيش

محمد نجاتي | تصدر الفنان محمد نجاتي جميع مؤشرات البحث في الساعات الأخيرة، وذلك بعد تلميحه حول رغبته في الاعتزال لقلة طلبه في الأعمال الفنية.

تصريحات محمد نجاتي

وكتب منشور عبر حسابه على موقع التواصل الاجتماعي فيسبوك قائلاً:عاوز أقول إني ماكانش ليا دخل في ترشيحي لمسلسل (محمود المصري) مع أستاذ محمود عبد العزيز، الترشيح جاء من خلال الدكتور مدحت العدل وهو حي يرزق يُسئل في ده".

وأضاف: "أما بقي بالنسبة للبوست اللي اتقال فيه شوف دلوقتي أمير كرارة فين ومحمد نجاتي فين؟ طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، قدر إنه يوصل لحب الناس وقاعدة كبيرة جدا من الجمهور، لكن دي حاجة مش بإيديا، دي حاجة خارجة عن إرادتي"

تابع: "أنا راجل ممثل وبشتغل الحاجات اللي بلاقيها كويسة ومناسبة، ممكن تكون مش أعمال بتاخد بروباجاندا كبيرة زي ما فنانين كتير بيشاركوا في أعمال أنا أتمنى أكون في الحاجات المهمة دي، لكن غصب عني أنا مضطر أاشتغل حاجات علشان أكمل بقيت حياتي لأن عندي التزامات، وعندي حاجة تخليني مش مبسوط أوي".

واختتم: "وأحيانا بضطر أقبل حاجات مش راضي عنها علشان أقدر أكمل حياتي، وإذا كانت الوضعية دي مضايقة ناس أو بعض الصحفيين على فكرة أنا ممكن أعتزل وأريحكم كلكم مني وتبقى نهاية الحكاية".

أمير كرارة ومحمد نجاتي

على سياق متصل علق الفنان أمير كرارة على منشور، الفنان محمد نجاتي، عبر حسابه الرسمي بالفيسبوك، يقترح فيه الاعتزال بعد مقارنه بأمير كرارة.

وأعاد أمير كرارة نشر الفيديو، الذي يعبر فية محمد نجاتي، عن غضبة من فكرة المقارنة بأمير كرارة، واقترح فيه تفكيره في قرار الاعتزال، وذلك عبر حسابه الرسمي بموقع التواصل الاجتماعي فيسبوك، قائلاً:" ياحبيبي أنت نجم كبير، وعلى دماغنا كلنا، ربنا يكرمك ويزيدك ويرزقك، ويجمعنا مع بعض في عمل واحد وشرف ليا".