منتهى اللامبالاة بجريمته.. حوار بين قاضي والمتهم بإنهاء حياة نيرة أشرف في أولى جلسات محاكمته

شهدت أولى جلسات محاكمة المتهم بقتل طالبة المنصورة نيرة أشرف، حوار بين المتهم محمد عادل وقاضي محكمة جنايات المنصورة، وجاء نصه كالتالي:

القاضي: أنت شوفتها في الأوتوبيس هي وصاحبتها منة؟

المتهم: لا! صاحبتها إللي مسيبة شعرها زيها

القاضي: أنت خدت السكينة معاك ليه؟

المتهم: أصلها كانت مهدداني فخدت السكينة عشان أدافع بيها عن نفسي ولما لقيتها بتضحك في الأوتوبيس قلت لا بقى خلاص دي تستاهل

محامي نيرة: أنت ليه قتلتها بالوحشية دي وكنت عايز تقطع رقابتها؟

المتهم باستهزاء: وحشية إيه؟ أنا قتلتها وخلاص

القاضي: ندمان؟

المتهم: آه عشان أهلي ومستقبلي

القاضي: في حاجة تانية عايز تقولها؟

المتهم: آه المفروض أهلها وخصوصا أمها هما اللي يتسئلوا هما السبب في اللي حصلها