هاني شاكر لحمو بيكا: الفن مش بالعافية والعياط

كشف الفنان هاني شاكر، نقيب المهن الموسيقية كواليس أزمة مطرب المهرجانات حمو بيكا وعدم حصول على تصريح نقابة المهن الموسيقية.

وقال هاني شاكر أثناء استضافته في برنامج "مصر جديدة" على شاشة فضائية "etc": "حمو بيكا كان عليك حكم سنتين نهائي، للأسف الشديد هو طلع في رمضان، ومش كل اللي يعيط يبقى معاه حق، يعني إنت طالع بتدعي عليا في رمضان وأنا مشفتش مني غير كل خير، وعمري ما عملتلك حاجة تأذيك، يعني كان عليه حكم سنتين نهائي بالفيديوهات اللي طلع وتهجم فيها على النقابة، وقال أنا هحرق النقابة وأنا أجي أهد النقابة وحاجات كده وخد حكم سنتين، الشئون القانونية رفعت عليه قضية، وقبل التنفيذ على طول أنا والمجلس المحترح الحمد لله تنازلنا عن القضية عشان ميتحبسش".

واستكمل:" لو كنا نفذنا الحكم كان زمانه لسه قاعد مكانش طلع في التلفزيون، كنا عملنا معاه الحوار في طرة، عشان كده كتر خيره أنه طلع دعى عليا في رمضان، ووالدته كلمتني كتير وقت ما كان هيتحبس وأثرت فيا، لأني أنا أولا وأخيرا أنا أب، مفيش بيني وبينه أي حاجة، الفن مش بالعاقبة ومش بالطيبة ومش بالعياط، أنت دخلت الامتحان مرتين وسقطت، وهذا لم يحدث مع أي حد، أنا كنقيب أروح أغني بداله، أروح امتحن بداله، يعني أعمل إيه طيب".

وتابع «شاكر»: «كان عليه حكم سنتين نهائي، اللي اتهجّم فيها وقال ححرق النقابة، وقبل التنفيذ، أنا والمجلس اتنازلنا عشان ميتحبسش، لو كنا نفذنا كان زمانه في حتة تانية، مش طلع بالحوار في البرنامج برمضان، ووالدته كلمتني كتير، وبسلم عليها، وكأب تأثرت بطلبها، وتنازلت عن الحكم».

وأوضح «شاكر»: «مفيش بيني وبينه حاجة، الفن مش بالعياط، ومش كل اللي بيعيط بيبقى على حق».