أحمد موسى لـ مبروك عطية: إنت مالك تلبس ولا متلبسش حجاب.. أنتوا هتحاسبوا الناس

نبّه الإعلامي أحمد موسى، من مخاطر ما قال إنه تبرير رجال الدين لارتكاب جرائم القتل في المجتمع.

وعبر لهجة انفعالية حادة، قال موسى خلال برنامجه "على مسؤوليتي" عبر شاشة "صدى البلد"، مساء الثلاثاء، إنه لا يوجد أي مبرر للقتل، مبديا استيائه مما وصفه بـ"دعم البعض للقتلة"، في حديث يبدو أنه موجه للداعية مبروك عطية.

وكان مبروك عطية، قد ظهر في مقطع فيديو، اعتبر فيه أن الحجاب هو السبيل الوحيد لحماية الفتيات من القتل، في تصريح أثار انتقادات حادة ضد الداعية الشهير، وفسره البعض بأنه تحريض على قتل الفتاة.

وتابع: "لما واحد يطلع يدي مبررات للجريمة يبقى إحنا في مشكلة خطيرة.. لو البنت دي أختك ولا بنتك كنت هتقول كده".

وأكمل: "إنت مالك تلبس ولا متلبسش.. إنتو هتحاسبوا الناس تاكل إيه وتلبس إيه.. ليه بتعملوا كده في بلدنا، أين أنتم يا رجال الدين، مطلعش حد يرد على اللي طلع يتكلم.. الأزهر مطلعش يتكلم ليه يرد على الراجل اللي بيدرس في الأزهر".

كما انتقد موسى، ما رأى أنه غياب للنخوة في المجتمع، في إشارة إلى عدم تدخل أحد لإنقاذ الفتاة من القتل، في وقت ارتكبت فيه الجريمة في وضح النهار وشارع مزدحم.

وذكر موسى منفعلا: "أنا مش مستوعب.. إحنا فين.. البنت كانت ممكن تتلحق لو فيه ناس جدعة.. اللي واقف ده كان بيتفرج على قاتل ليه.. البنت بتتقتل وفرد أمن الجامعة واقف يتفرج".

وشيع المئات من أهالي وأقارب وجيران طالبة جامعة المنصورة "نيرة"، جثمانها إلى مثواها الأخير بمقابر الأسرة في مسقط رأسها بمدينة المحلة الكبرى فى محافظة الغربية، وذلك وسط انهيار وبكاء وحزن شديد لأسرة وأقارب وزملاء الطالبة المتوفية، بعدما ذبحها زميلها على أبواب الجامعة.