لسه بيعاني من آلام مبرحة.. لميس الحديدي تكشف آخر مستجدات الحالة الصحية لعمرو أديب
كشفت الإعلامية لميس الحديدي الجمهور عن آخر مستجداتالحالة الصحية للإعلامي عمرو أديب، بعد تعرضه لحادث مروري مساء الثلاثاء الماضي.
وقالت لميسالحديدي، عبر برنامجها«كلمة أخيرة»المذاع على قناة ON، السبت: «عاوزه أتكلم في موضوع مالوش علاقه بالشغل، عاوزة أطمن كل الناس اللي بتسأل على عمرو بعد الحادثه الصعبة اللي تعرض لها مساء الثلاثاء الماضي، الحمد لله هو بخير بشكل عام ربنا نجاه بأعجوبة الحقيقة لأن العربية اللي خبط فيها واللي وقفت فجأة، كانت محملة بأنابيب بوتاجاز فكان ممكن تنفجر في أي لحظة».
وتابعت: «الدكاترة طمنونا على حالته عموما، لكن هو لسه بيعاني من آلام مبرحة غالبا من الكدمات والردود، نتوقع أنها تاخد بعض الوقت، وإن شاء الله يحاول يرجع لجمهوره قريبا بإذن الله، لكن هو محتاج يستريح شوية علشان يقدر يرجع تاني، وانا طبعا ماكنتش هقدر أنزل الشغل أو أكون معاكم إلا وأنا مطمنة عليه إنه بيتماثل للشفاء وأن حالته تسمح أني أسيبه بعض الوقت، لأن في مثل هذه الأحداث دوري كزوجة بييجي قبل دوري كإعلامية».
ووجهت الإعلامية الشكر للجمهور ولكل المسؤولين في الدولة قائلة: «عاوزة أشكر كل الناس اللي سألوا علينا وعليه من أصغر حد لأكبر حد، من الجمهور البسيط اللي كان بيبعتلي رسائل ودعوات وشمع في الكنائس، لأكبر مسؤولين في البلد بشكرهم جميعا، زملاءنا الإعلاميين، الفنانين من كل الوطن العربي، الدكاتره اللي كانوا بيكلموني، وطبعا أصدقائي وأصدقاء عمرو اللي ما سابونيش لحظة واحدة».
جوجل نيوز
واتس اب
جوجل نيوز
