لميس الحديدي توجه الشكر لـ4 شباب أنقذوا حياة عمرو أديب بعد الحادث

طمأنت الإعلامية لميس الحديدي الجمهور على الحالة الصحية لزوجها الإعلامي عمرو أديب بعد تعرضه لحادث مروري مساء يوم الثلاثاء الماضي، بطريق دهشور، كما وجهت الشكر لـ4 شباب قاموا بإنقاذه عقب الحادث مباشرةً.

اقرأ أيضا: «البنت وزنها ذهب».. أحمد موسي الفتيات لا يتم شحنهم.. بالفيديو

اقرأ أيضا: «مافيش حكومة بتخدع شعبها».. فاروق الباز داعيًا المصريين لتلقي فيروس كورونا.. فيديو

عبر برنامجها "كلمة أخيرة " المذاع على شاشة " ON": “عاوزه أتكلم في موضوع مالوش علاقه بالشغل، عاوزه أطمن كل الناس اللي بتسأل علي عمرو بعد الحادثة الصعبة اللي تعرض لها مساء الثلاثاء الماضي، انه الحمد لله بخير بشكل عام ربنا نجاه بأعجوبة الحقيقه لان العربية اللي خبط فيها و اللي وقفت فجأه، كانت محمله بانابيب بوتاجاز فكان ممكن تنفجر في أي لحظه ،فالحمد لله علي كل شيء قدر و لطف زي مابنقول.. الدكاتره طمنونا علي حالته عموما، لكن هو لسه بيعاني من الام مبرحه غالبا من الكدمات و الردود نتوقع انها تاخد بعص الوقت، وإنشاء الله يحاول يرجع لجمهوره قريبا بإذن الله، لكن هو محتاج يستريح شويه علشان يقدر يرجع تاني".

وتابعت: "أنا طبعاماكنتش حاقدر أنزل الشغل أو أكون معاكم إلا وانا مطمئنه عليه انه بيتماثل للشفاء وأن حالته تسمح إني اسيبه بعض الوقت، لان في مثل هذه الأحداث دوري كزوجة بييجي قبل دوري كإعلامية".

ووجهت الشكر للجمهور ولكافة المسؤولين في الدولة قائلة : “عاوزه اشكر كل الناس اللي سألوا علينا و عليه من أصغر حد لأكبر حد ، من الجمهور البسيط اللي كان بيبعتلي رسائل ودعوات و شمع في الكنائس ، لأكبر مسئولين في البلد باشكرهم جميعا، زملاءنا الإعلاميين، الفنانين من كل الوطن العربية، الدكاترة اللي كانوا بيكلموني ، مستشفي دار الفؤاد اللي انقذت عمرو في اللحظات الاولي ، ألفا سكان اللي دايما في ضهرنا، وطبعا أصدقائي و أصدقاء عمرو اللي ماسابونيش لحظه واحده،باعتذار اني ماكنتش بارد علي الاتصالات ، لكن ممتنين جدا لاهتمامهم، وحبهم اللي حسينا بيه".

أكملت : “في وقت الصعاب -زي ماعمرو دايما بيقولي- اننا ماكناش بنزرع في البحر .الحمد لله. وساعات وقت الازمه بيكشفلك عن معدن الناس و عن حبهم و تقديرهم و خوفهم عليك اللي يمكن ما بتحسوش في الوقت العادي.و الشكر الحقيقه مش للناس في مصر فقط و لكن في كل العالم العربي في الامارات و السعوديه و الاْردن و لبنان، و العراق".

وكشفت لميس الحديدي لأول مرة عن هوية أربعة شباب كان لهم دور كبير في إنقاذ زوجها الاعلامي عمرو أديب للمستشفى وإنقاذه قائلة : " أنا هنا سأخص بالشكر ٤ شباب بالاسم لانهم هم دول اللي نقلوا عمرو المستشفى بعد الحادث مباشره و فضلوا معاه لحد ماانا وصلت مباشره بعد الحلقه يوم الثلاث، المهندس مصطفي عزب، الدكتورة كريم النحاس، الدكتورطارق سلامة، المهندسة داليدا . الشباب دول انا مااعرفهومش، لكنهم تصادف وجودهم في نفس مكان الحادث و نقلوه المستشفى و فضلوا معاه لحد وصولي و كملوا معايا لحد ما اتطمنوا عليه. الشباب دول انا صممت اخد أساميهم علشان اشكرهم بنفسي ، فيه لسه ناس محترمه بجد”.

أتمت قائلة: “شكرًا لحبكم و اهتمامكم و يا رب ماحدش يجي له حاجه وحشه ابدا، خللوا بالكم من الطريق لان الحوادث بتقع في ثانيه واحده، و ربنا يحفظ الجميع".