لية بتخربوا البيوت.. ريهام حجاج تتعاطف مع عروسة كفر الدوار وتهاجم رواد السوشيال ميديا

أعربت الفنانة ريهام حجاج، عن استيائها الشديد من الهجوم على العروسة أمينة طارق، المشهورة إعلاميا بـ"عروسة كفر الدوار"، والتي اثارت جدل كبير عبر مواقع التواصل الاجتماعي والسوشيال ميديا.

وكتب ريهام حجاج عبر حسابها الشخصي بموقع التواصل الاجتماعي "فسبوك"، قائلة :" هو ليه الناس علي السوشال ميديا بيستبيحوا سيرة الناس و يسعوا لخراب البيوت؟".

وتابعت:"عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) انت ليه اصلا تقول رأيك السلبي إللي ممكن يخرب بيتهم و تنشره علي انها بتهزئه و تحول فرحتهم لكابوس".

وأضافة:"و ممكن يكون في أحتمال نص في المية أن مش قصدها أو دي طريقتها في الكلام و اكيد هو عارف و بيتجوزها و حاببها زي ما هي؟!، تعرف ظروفهم منين؟ مواقفهم؟ عدوا بإيه سوي في الخطوبة!!، إيه إللي خلاها تقول كدا اصلا!!، دخليات الناس ماحدش يعرفها، بتشيلوا ذنوب و الله

دا إللي ربنا قال عليه في القرآن الكريم، من يفرق بين المرء وزوجه، أتقوا الله، افهموا الفرق بين حرية الرأي و الأذية".

واختتمت ريهام حديثها، قائلة:"افهموا الفرق بين اللي ممكن نتكلم فيه و اللي مالوش لازمة التدخل فيه من الأساس، ستحاسبوا أمام الله علي كل دا".

وكانت أمنية طارق، المعروفة بعروسة كفر الدوار، وهي تمسك القلم، وطالبت بتوجيه كلمة قبل توقيع العقد، وسط الحضور، وتقول: "هطلب منك طلب، زي ما هشيل أهلك في عيني، تشيل أهلي في عينك الصغير قبل الكبير، ومع احترامي للكل أمي ثم أمي ثم أمي، مش هسيب أهلي بالساهل".