بعد الهجوم عليه بسبب كلامه عن الجواز.. ميدو عادل: "ياريت تشوفوا الحلقة.. ومش عيب أقول أني ابن أمي"

أعرب الفنان ميدو عادل، عن اندهاشه الشديد، من الهجوم الذي تم شنه من قبل بعض من رواد مواقع التواصل الاجتماعي والسوشيال ميديا.

وكشف ميدو عادل، حقيقة هذه التصريحات التي تم تداولها من قبل البعض عبر مواقع السوشيال ميديا، ونشر فيديو حلقة برنامج "الستات ما يعرفوش يكدبوا"، وعلق عليها، قائلا:" مساء الخير.. وشكرا من كل قلبي لأي حد قال كلمة حلوة، وبرده شكرآ لأي حد قال كلمة مش حلوة".

وتابع:"اولا ياريت الناس قبل ما يغلطو في حد ، يتأكد من الكلام اللي اتقال واتقال ازاي وايه هو سايق الكلام ده ، وبدل ما الناس بتجري ورا خبر منقوص، اتمني تشوفو الحلقة وتفهمو ايه اللي اتقال".

وأضاف، قائلا:" مش عيب اني اتكلم في اننا كجيل.. عندنا مشاكل في مفهوم الجواز/ خاصة إن الجواز مش حب فقط ، إنه مسؤولية كبيرة من كل الجوانب".

واختتمت حديثة، قائلا :"ومش عيب اني اقول اني ( ابن امي ) خالص، بس العيب اننا ناخد نص الكلام وبس، ونحكم من غير مانشوف والمثل الشهير في الآية الكريمة (( لَا تَقْرَبُوا الصَّلَاةَ……. ))ونقف وبس ،او مثلا عيب نقول كلمة (شما ) في حياتنا ،عشان في ناس تانية بتستخدم نفس الجملة بشكل سئ" .

وكان ميدو عادل، أثار جدلأ كبيرا عبر مواقع التواصل الاجتماعي بعد حلوله ضيف خلال إحدى حلقات برنامج الستات ما يعرفوش يكدبوا، قائلا: الجواز أصعب حاجة الناس بتمر بيها في حياتها، علشان إحنا معندناش الوعي نربي عيالنا من وهما صغيرين على سيكولوجية الجواز، وأنا أكتر حاجة بندم عليها الزواج، ولو رجع بيا الزمن؛ مش هتجوز أصلا".

يشار إلي أن أخر أعمال الفنان ميديو عادل، كلا من مسلسل "العادون" بطولة أمير كرارة و أمينة خليل ومحمود عبد المغني، ومسلسل"انحراف" بطولة النجمة روجينا، سميحة أيوب، وعبد العزيز مخيون، ولوسي و أحمد صفوت، و سما إبراهيم، و شريف عمر، وتأليف مصطفى شهيب، وإخراج رؤوف عبد العزيز