استغاثة أم.. الحضانة ترفض أبني بسبب متلازمة داون

بكاء أم لا ينقطع وحالة من اليأس والإحباط تتملكها، خيبة أمل كبيرة تعيشها السيدة مديحة عطية، بعدما أبلغتها الحضانة التي تُرسل إليها نجلها بعدم استقباله مُجددًا بسبب معاناته مع متلازمة داون، بل رفض الحضانات الأخرى استقباله من الأساس.

الأم تعمل طيلة اليوم بسبب امتلاكها لجمعية لذوي الهمم والعمل بالعقارات، ما دفعها لإرسال نجلها كريم صاحب الـ6 سنوات للحضانة، إلا إنها فوجئت مؤخرًا بخروجه من المكان والاعتذار عن استقباله مُجددًا:

فجأة ألاقي ابني راجع من الحضانة، والمديرة تقولي حصل تفتيش واتقالي قالولي ده مكانه مش هنا، شوفيله حضانة لذوي الهمم تقبله

واستنكرت الأم ما حدث وقالت: الدولة بتدعم ذوي القدرات يبقى ليه الحضانة ترفض ابني، خصوصا أنه ذكي ومتفاعل وله نشاطات، بيتكلم انجليزي وبيستخدم الموبيل والكمبيوتر أحسن مني شخصيًا، هو طفل عادي جدا مش وصمة عار ومش ذنبه انه اتولد كده

وشرحت الأم الحالة النفسية السيئة التي يعاني منها الطفل، حتى أنه لم يدرك سبب رفضه: «ابني بياخد شنطته ويقف على الباب عاوز يروح الحضانة، ومتأثر ومش فاهم هو مبقاش يروح ليه، غير إن مفيش حضانة عاوزة تقبله.

أنا عايزة حق ابني في الحياة الطبيعية، أنا ابني مش متخلف ولا مؤذي بل بالعكس متعاون جدا وبيكتسب مهارات أكثر، أنا عايزة حق ابني وحق كل الأطفال من متلازمة داون