سميرة سعيد: تعرضت للتحرش والتنمر بسبب والدتي.. و«العندليب» غيّر حياتي

0|ياسمين عبد الحميد

الجمعة، 19 فبراير 2021 01:56 م

كشفت النجمة سميرة سعيد، أثناء ظهورها فى برنامج "السيرة"، على شاشة قناة "DMC" مع الإعلامية وفاء الكيلانى، أنها تعرضت للتحرش الجسدي مرة واستطاعت أن تدافع عن نفسها بقوة، مؤكدة أنها فى العموم لا تتعرض لتحرش بشكل واضح لكن كان تتعرض لمعاكسات عادية وتنتهى عند عدم الاهتمام والاستجابة.

وأشارت الديفا إلى أنها تعرضت للتنمر فى المدرسة بسبب شكل والدتها، قائلة: «كنت قاعدة في الفصل وعمالة أشخبط في ورقة قدامى، وفجأة المدرس قالى إيه ده وضربنى قلم على وشى، ورانى النجوم زى ما بنشوف في الكرتون».

وأضافت: «طبعا أول ما دخلت على الباب والدتى شافت وشى وحكتلها اللى حصل وراحت المدرسة، وقالت للمدرس لو عملت تانى كدهأنا هعمل تصرف مش هايعجبك، وعشان والدتى كانت لابسة بنطلون بقى وشعرها كاريه أخدت تريقة من العيال وكانوا بيتنمروا عليا، ولما روحت قلت لوالدتى إنتى كسفتينى ومتجيش تانى المدرسة وأنا مش هأحكيلك أي حاجة تانى تحصلى».

وقالت سميرة سعيد إن العندليب عبدالحليم حافظ كان له دور كبير فى نجاحها الفنى، فكان دائمًا ما يقدم لها النصائح لتطوير صوتها والغناء بشكل صحيح.

وعن نصائح عبد الحليم حافظ تقول سميرة سعيد: «عبد الحليم حافظ كان كل لما يشوفني يقولى صوتك بيتغير، وفي مرة كنت بسجل أغنية فدخل فجأة ولقاني بتفزلك في الغناء فأوقفني وقاللى هي الجملة بتقول إيه فعلمني أقولها بطريقة سهلة وسلسة وبسيطة، وعلمني إزاي العُرَب تتقال في مكانها، وفعلًا العندليب غيّر لي حياتي وخلاني إزاي أدير صوتي في الغنا».