اكتشفوا حملها فدفنوها سرًا.. تفاصيل صادمة حول مقتل فتاة على يد والدها وأعمامها بالشرقية (صور وفيديو)

شهدت محافظة الشرقية، واقعة مثيرة، حيث أقدم أب على قتل ابنته بمساعدة أعمامها، بعد اكتشافهم حملها سفاحًا، وأقدم الأب وأشقاؤه على دفن الفتاة دون استخراج تصريح دفن لعدم اكتشاف جريمتهم، وإبقاؤها على قيد الحياة من خلال الأوراق.

روت "منى عبدالفتاح أحمد السباعي"، شقيقة "ريهام" ضحية القتل على يد والدها، تفاصيل صادمة حول الحادث، قائلة: "أبويا وأعمامي قتلوا اختي عشان اكتشفوا انها حامل من خطيبها، هي كانت المفروض تتعاقب وخطيبها قال انه هيشيل الليلة وهيتجوزها لكن هما قتلوها ومرضيوش بأي حلول وفي اخت ليا متسترة عليهم ومش عايزه تتكلم".

وأضافت شقيقة الضحية: "دفنوها من غير تصريح دفن أو شهادة وفاة عشان تصرف تموين وعيش وعشان ميتفضحوش.. بيهددوني وبيلفقوا قضايا لجوزي عشان متكلمش ودا اللي خوفني اني اتكلم من وقت الجريمة من 14 شهر.. انا بناشد المسؤولين عايزه حق اختي وعايزه الحماية ليا ولزوجي وعيالي".

وتابعت شقيقة الضحية: " جميع من في قرية ميت العز التابعة لمركز فاقوس يعرفون بالجريمة ومحدش عايز يتكلم عشان ابويا واعمامي ماشيين يفضحوا ريهام في الشارع، وانا لما جيت اتكلم هددوني وهددوا جوزي عشان يسكتني".

واستطردت "منى عبدالفتاح": "قتلوها يوم جمعة منذ 14 شهر، وطلعت شهادة ميلاد لاختي يوم 12/5/2022، ودا بيثبت انها عايشة على الورق، وابويا واعمامي لسا موجودين في البلد وعمالين يتكلموا في شرفها وعرضها بعد مقتلوها".

وأكملت شقيقة الضحية: "أنا بناشد الرئيس عبدالفتاح السيسي يجيبلي حق اختي اللي بتجيلي في المنام وتفضل تعيط ورحت اتعالجت نفسيًا بسببها.. ابويا واخواته بيهددوني بخطف عيالي وملفقلي انا وجوزي قضايا عشان منتكلمش واتحبست انا وحماتي يومين في العيد بسبب القضايا اللي لفقوها ليا".