دعوة للتضامن معهم.. السلاب يطلق مبادرة «مش هنسيبكم» لمحاربة التنمر من «ذوى الهمم»

أطلق النائب محمد مصطفى السلاب، وكيل أول لجنة الصناعة بمجلس النواب، حملة مجتمعية وتشريعية، لإيقاف كل أشكال التنمر ضد الأشخاص ذوى الإعاقة، وتحمل اسم «مش هنسيبكم»، وأوضح السلاب، فى بيان صحفى، أنه بصدد التقدم لمجلس النواب، لتغليظ عقوبة التنمر ضد ذوى الإعاقة، فى قانون العقوبات.

وقال وكيل أول لجنة الصناعة بمجلس النواب: «بنتفرج كتير أوى على فيديوهات على السوشيال ميديا، البعض بياخدها بشكل ساخر، لكن هى فى الحقيقة مؤلمة جدًا وحزينة، دا طبعًا غير تصرفات بنشوفها فى الشارع بتتخطى حدود السخرية، وبتوصل للإساءة والتنمر».

وأضاف محمد السلاب: «أنا عارف إن دا مرفوض مننا، لأنه مش من أخلاقنا ولا قيمنا، ولا أدياننا تقبلها، بس أنا شخصيًا حابب أقف قدام نوع أسوأ، وهو الشخص اللى بيتنمر على ذوى الإعاقة، إيه اللى يخلى حد يتنمر بشخص مش هيقدر يرد عليه جسديًا أو لفظيًا، دا الحقيقة مش مقبول، مش كدا وبس لأ دا لازم يتجرم».

وعن اسم الحملة «مش هنسيبكم»، قال السلاب: «(مش هنسيبكم) مقصود بيها الأشخاص المتنمرين اللى لازم يتحاسبوا، وكمان الأشخاص ذوى الإعاقة، اللى بنقولهم مش هنسيبكم وهنفضل معاكم وجنبكم».

ووجه النائب محمد السلاب،دعوة لكل الجهات، والمسؤولين، والمجتمع المدني، والنخبة المصرية من فنانين ورياضيين ومثقفين، وشخصيات عامة، وأجهزة الدولة، والمواطنين، للتضامن مع الحملة، لتوفير بيئة آدمية للأشخاص ذوى الإعاقة.