سيدة مصرية أصيلة .. الست قشطة: بشتغل في شيل الطوب على راسي من 15 سنه.. حلمى في الجنيه الحلال وبروح أعمل شغل البيت

أجرى موقع «بصراحة» الإخباري بثاً مباشراً مع أحد النماذج المصرية الصيلة للسيدات العاملات بمحافظة الدقهلية سعياً وراء الرزق الحلال، والتي تعمل في أحد أصعب المهن وأكثرها مشقة.

وروت السيدة «قشطة» خلال البث المباشر مع موقع «بصراحة» الإخباري من محافظة الدقهلية، انها تعمل في شيل الطوب الأحمر على رأسها داخل أحد مصانع الطوب بالدقهلية، وتعمل باليومية سعياً وراء الجنيه الحلال.

وقالت :" بقالي أكثر من 15 سنة بشتغل بشيل طوب على رأسي.. ولو مفيش شغل بنزل أشتغل في الغيطان أو المصانع أو بجيب خضار وأبيعه.. أي حاجة تجيب جنيه بالحلال".

وتابعت السيدة «قشطة»: "مرضاش عيالي يشتغلوا الشغلانة دي.. ورغم إنى بروح البيت مهدودة فبعمل شغل البيت كمان.. وبعلم ولادى علشان يشتغلوا شغلانات كويسة".

وقالت:" بشتغل وبكافح رغم الظروف الصعبة والعمل الشاق، والرزق في الأخر بتاع ربنا، والشغل مش عيب".