مبروك عطية عن كل «غيورة» من ياسمين صبري: «كان نفسك تبقي هي وتأكلي الصينية»

قال مبروك عطية أنه سمع بأذنيه خلال مرور عامين على زواج رجل الأعمال أبوهشيمة والفنانة ياسمين صبرى كلام كثير من بينه «ده جاب لها هدايا بكام ده عمل ايه وجابها عربية وجاب خاتم»، معلقا على من يحسدنها، قائلا: «لا هو أنتي اللى نفسك حد يجيبلك ويديكي، إنتى كان نفسك تبقى هي وتاكلي الصينية.. زى ما كانوا بيغنوا في الأرياف».

وأضاف «عطية» خلال فيديو نشره عبر صفحته الرسمية على موقع التواصل الإجتماعى «فيس بوك» قائلا: «اللى كانت سهرانه تقول ياريت أنا هي وألبس الخاتم ابو 3 مليون واخد العربية اللي بـ10 مليون دى كانت عايزة الفلوس مش عايزة تتجوز رجل الأعمال أبو هشيمة التاجر الناجح صاحب الشخصية».

وتابع: «هو ليه السواد ناحية اللي معاه قرشين، بنبقى عايزينه يشحت، اهدوا والعلم سبب الهدوء».

وأوضح مبروك عطية، أن «المال مال الله وسيحاسب الله عليه من أين اكتسبه وفيما أنفقه ولا يجهل مسلم هذا، أما أنت إذا كنت مطمئن فإن الله سيحاسب كل ذى مال (شايل طاجن ستك ليه وعندك سواد ليه، وتتعجب تعجب يجيب أجلك ليه) دع الملك للمالك ولا هو هيبطل جواز ولا هي هتبطل جواز وتبقى الدنيا جميلة».