وزير الدفاع في الحلقة 27 من الاختيار 3: محدش يقدر يفرض على المصريين فكرة أو مشروع خارج هويتهم والجيش خارج المعادلة السياسية

شهدت الحلقة 27 من مسلسل الاختيار 3 العديد من الأحداث الهامة أبرزها اجتماع وزير الدفاع عبد الفتاح السيسي مع قيادات القوات المسلحة للوقوف على آخر تطورات الوضع السياسي في مصر قبل 30 يونيو.

خلال أحداث الحلقة الـ 27 لمسلسل "الاختيار3" يتحدث وزير الدفاع قائلًا: أحب أؤكد لحضراتكم أننا في أوقات صعبة بتواجهها مصر والمنطقة العربية كلها، والحقيقة أن الخيط اللي بيربط بين اللي بيحصل في المنطقة حوالينا وحالة الفوضى الموجودة في مصر أصبح واضح لينا كلنا.

ويضيف: أحب أسمع تقدير الموقف وتقييم الأوضاع.

اللواء العصار: الحقيقة يافندم الوضع فعلًا صعب جدًا وفي توجه من الإدارة الأمريكية وحلفائها بدعم الإسلام السياسي في المنطقة كلها بأي شكل ويمكن ده سيادتك بيفسر اللي بيحصل دلوقتي.

وزير الدفاع: يا سيادة اللواء، محدش يقدر أبدًا يفرض على المصريين فكرة أو مشروع خارج هويتهم وطبيعتهم، التاريخ اللي بيقول كده مش أنا.

ويرد أحد قيادات الجيش قائلًا: في هنا حاجة يافندم لازم توضع بالحسبان، الحالة الموجودة حاليًا من عدم احترام الدستور والقانون التي يقوم بها الإخوان متسببة في حالة احتقان شديدة جدًا، وخصوصًا بين أفراد السلطة القضائية.

وزير الدفاع: يا سيادة اللواء، حالة الاحتقان دي في البلد كلها، مش محتاجين مجهود علشان نشوفها بعيننا وبعدين هو لو كان الإسلام السياسي ده ناجح كنا قولنا حاجة، دا مش قادر يحقق إنجاز في أي شيء وبيلوح بالعنفة طول الوقت في حالة غضب كبيرة جدًا ناتجة عن سياسات كلها بتصب لصالح فصيل واحد دا غير خطاب طائفي وحالة اقتصادية مزرية محتاجة إصلاح كبير جدًا.

ويرد أحد قيادات الجيش: والقوات المسلحة يافندم هتبقى في المعادلة

وزير الدفاع: لا لا لا.. الجيش عمره ما يكون جزء من المعادلة السياسية أبدًا ياحضرات القادة احنا كلمتنا هنا للتاريخ بنقولها لوجه الله والوطن الجيش ده جيش الشعب بيحمي مصر من أي خطر ممكن يواجها سواء كان برا او جواه.