محمد محيي يعترف: صوتي كان “مسرسع” زمان

اعترف الفنان محمد محيي بأن صوته كان حادًا في بدايات دخوله مجال الغناء، لكنه تدارك الأمر لاحقا بالخبرة والتدريب المستمر.

أوضح محيي خلال حواره مع الإعلامية ياسمين عز ببرنامج “كلام الناس” على قناة mbc مصر، أن صوته وقتها كان أشبه بصوت الأطفال، قائلا: “في بداياتي كان صوتي حاد أوي أو زي ما بيتقال “مسرسع”، وده تزامن مع موضة إنهم كانوا بينزلوا شوية بسرعة الأغنية، ففعلا كان صوتي صوت عيال.. وأنا كنت صغير ولسه مفهمش أوي في هندسة الصوت، بس بالخبرة والتدريب ابتديت أفهم إيه المشكلة في صوتي وأحلها”.

على صعيد آخر، أكد محمد محيي أنه لا توجد لديه خلافات مع أحد، وإن حدث اختلاف على صعيد العمل فإنه لا يتحدث عنه على الملأ، قائلا: “أنا مليش خلافات مع حد، ولو في مبتظهرش على السطح، كلنا لما بنيجي نشتغل أكيد بتحصل اختلافات في الشغل، لكن اللي بيفهم يبقى مركز هو بيقدم إيه للناس، مش الخلافات دي عشان يطلع يحكيها”.

تابع: “يمكن إحنا دلوقت الخلاف هو التريند، لازم نعمل خلاف الأول وبعدين الأغنية تنزل، وده شيء أنا مبحبوش خالص وعمري ما عملته”.