مي حلمي تهاجم الإعلامي شريف عامر بسبب موظفي خدمة العملاء

هاجمت الإعلامية مي حلمي الإعلامي شريف عامر، مقدم برنامج يحدث في مصر عبر فضائية "mbc" بشأن موظفي خدمة العملاء.

وقالت مي حلمي في منشور علي صفحتها الشخصية على «فيس بوك» رداً على منشور الإعلامي شريف عامر:" أنت عارف العيال اللي مش عجباك دي بيشتغلو كام ساعة؟. حاطين سماعة على ودنهم كام ساعة.. مرتباتهم أد إيه.. شقيانين أد إيه.

وأضافت مي حلمي: في منهم اللي بيدرس عشان يقدر يدفع مصاريف جامعته يعني لسه بيتعلم شغلته وارد انهم يغلطوا.. كمية ناس بتتصل تستظرف عليهم.. حط نفسك مكانهم حاطط سماعة في ودنك 12 ساعة متواصلة هتبقى عامل إزاي في آخر شيفتك.

وتابعت مي حلمي: ممكن يكون العيل ده أخويا أو أخو صاحبتي أو قريبي المهم انه حد يشقى ويتعب عشان يأكل نفسه، ارحمو ترحمو، هما مش مشاهير وبياخدو آلاف كل شهر من غير مجهود زي حضرتك ربنا مع كل واحد شقيان بعرقه وتعبه ده مش عيل ده راجل وأجدع راجل.

وكان الإعلامي شريف عامر قد أثار حالة من الجدل بعد إعلانه استياءه من العاملين بخدمة العملاء ووصفه لهم بـ"العيال"، مؤكدًا أنهم لا يملكون القدرة على حل المشكلة لكنهم يكررون عبارات محفوظة.

وكتب شريف عامر عبر صفحته على موقع التدوينات القصيرة تويتر منتقدًا خدمة العملاء: "لو الناس اللي بيقعدوا في مكالمات خدمة العملاء ما يعرفوش يخرجوا عن كام جملة حافظينهم، يبقى سرحوهم وهاتوا ماكينة رد آلي !!، العيال ماعندهاش أي قدرة على التعامل مع اي موضوع خارج السيناريو المحفوظ !!".