«مشاكلها كتير».. انتصار ترد على اتهامها بالتآمر ضد شيماء سيف

ردت الفنانة انتصار، على اتهام الفنانة شيماء سيف لها، بالتآمر ضدها للإطاحة بها من برنامج "نفسنة".

وخلال لقائها مع الإعلامية بسمة وهبة، في برنامج "العرافة" المذاع عبر فضائية "المحور"، قالت انتصار: "شيماء سيف عاملة مسلسل، وبتقول كنت ماشية وعديت وبسمع، وكأنها كانت في بلد تانية، ما هي في الغرفة المجاورة واحنا صوتنا عالي مش وشوشة".

وتابعت انتصار: "معندهاش حاجة تتكلم في البرامج، مين مشهورة في حياتها انتصار، طول النهار أسمع سيرتي في البرامج ومبعلقش".

وأردفت انتصار: "أيوة كنا بنتكلم عليها لكن بنتكلم على حاجة في الشغل، مشاكل شغل ايه طالعه في البرامج، البرنامج واقف بقاله 5 سنين، لو جريمة بتسقط".

وتابعت: "مكناش مهتمين نوطي صوتنا، مش قصدين نسمعها، لكن مش مهتمين أنها متسمعش، بنتكلم في الشغل مش في شخصها، وده ميزعلش حد، هي كان لها أخطاء في الشغل، ومشاكلها كتير".