إيهاب جلال يهاجم منتقدي توليه تدريب منتخب مصر: أرجوزات بتقول أي كلام

هاجم الكابتن إيهاب جلال منقدي توليه القيادة الفنية للمنتخب الوطني، قائلا: «أنا بحترم نفسي من ساعة ما اشتغلت في التدريب، ومش هرد على انتقادات، أنا استكبرت ترك بيراميدز في وقت صعب قبل ربع نهائي الكونفدرالية، خاصة أن الإدارة لم تحدد المدرب البديل».

وتابع: «اللي بيقول أنا عايز أكمل مع بيراميدز والمنتخب، علشان أقبض راتبين بيقول أي كلام، وفي أرجوزات كتير بتقول أي كلام، أنا براعي ربنا، ومش فارق معايا الكلام الفاضي».

وأضاف: «حتى الآن تركيزي كله مع بيراميدز، ولم أبدأ في العمل للمنتخب، لكن طريقة الشغل مع المنتخب هيتم الإعلان عنها وشرحها في المؤتمر الصحفي».

واختتم إيهاب جلال تصريحاته: «ممكن نحتاج لاعبين جدد للمنتخب وممكن لأ، أول مباراتين في تصفيات أمم إفريقيا 2023، هى التي ستحدد هذا الأمر».