شيرين رضا: المهرجانات فن اخترعه المصريون وأرفض قرار منعهم من الغناء

أكدت النجمة شيرين رضا، أنها ضد ثقافة المنع الفني على المهرجانات، قائلة: "أنا ضد المنع حتى المهرجانات وبحب المهرجانات جدا ومضايقة أنهم اتمنعوا وهما غلطوا في حاجات ولكن مش كل واحد يعمل غلطة يأخذ إعدام".

وأوضحت الفنانة شيرين رضا، خلال حوارها ببرنامج "حبر سري"، مع الإعلامية أسما إبراهيم، على قناة القاهرة والناس، أن المهرجانات فن ابتكره المصريون مثل ما حدث مع الراب في أمريكا، مضيفة: "المهرجانات فن إحنا المصريين اللي اخترعوه وإزاي نمنعه، وده زي الراب اللي موجود في أمريكا وبسمع المهرجانات جدا".

وتابعت: "مفيش حاجة دخيلة علينا في المجتمع المصري وبنقول أي كلام الأيام دي وكان في السينما من زمان المايوهات والقبولات والأحضان وإحنا بنتقدم ولا بنتأخر، وبعدين السينما المفروض تبقى لكل الناس مش الأشخاص".