رضيت أبويا بعد 26 سنة خلاف.. البلوجر مي البنا تبكي في لايف الصلح مع والدها

ظهرت البلوجر واليوتيوبر الشابة مي البنا، أثار تعاطف متابعيها معها، لخروجها في فيديو يحمل عنوان «رضيت أبويا الحمد لله بعد ٢٦ سنة مفيش كلام بينا»، والذي تعدى الربع ساعة تحكي فيها عن معاناتها، والمواجهة التي حدثت بينهما حتى عادت إلى منزلها مرة أخرى أثناء تواجده فيه.

بدأت المواجهة بين البلوجر مي البنا ووالدها بإطراءه لإطلالتها بالفستان، فتفاجأت بأنه يتابعها ولديه ملف باسمها يضع فيه صورها وفيديوهاتها: «أنا شبهه محبش أعبر عن مشاعري لحد حتى لو روحي فيه ألا أما يجيلي، حصل بينا مشاكل بينا كتير زمان، هو كان شخصية صعبة جدا، مكانش موجود في حياتي مكنتش بسامحه لدرجة لو نزل كنت بأجر شقة لوحدي حتى لو معيش فلوس لحد ما يمشي، أما شوفته حسيت ايه ده.. ده أبويا أهو لسة عايش»، عاتبته على عدم جذبه لها وإخبارها بأنه وحشته وأنه افتقدها إذ أخبرها أنه خشي من رد فعلها، وبعد عتاب طويل بينهما تصالحا وعادت للمنزل حتى أنه ترك لها غرفته تفعل بها ما تشاء، معتذرا لها عن الأذى النفسي الذي سببه لها منذ الصغر وقسوته عليها.

وصلة من البكاء دخلت فيها البلوجر مي البنا، وهي تروي تفاصيل عتابها مع والدها وفض الخلاف بعد تلك السنوات، ناصحة أي شخص مهما كان حجم الخلافات مع والده أن يذوّبها: فاتحة اللايف ده عشان أقول أيًا كانت الظروف والمشاكل لما تسامحوا أهاليكم ابعتولي رسالة عن الإحساس وأقولكم إني حسيت الإحساس ده، كنت فاكرة الرضا رضا الأم بس، راضي أبوكي، محدش اتضرب بوحشية زي ما اتضربت من أبويا ومكانش في طبطبة حتى، أنا رجعت البيت خلاص، وهطلعه معايا في لايف.