رئيس التحرير
محمود سعد الدين
الرئيسية حالا القائمة البحث

عمرو الليثي: ضياع الأمانة ضياع للمجتمع كله.. وعزة النفس أخت شقيقة للأمانة

عمرو الليثي
عمرو الليثي

أكد الإعلامي الدكتور عمرو الليثي، خلال برنامج «أبواب الخير» عبر أثير إذاعة راديو مصر، أن الأمانة ليست فقط أن ترجع الفلوس لأصحابها عندما يستأمنونك عليها.


الأمانة.. مفهوم أكبر وأعمق


وقال الليثي: «الأمانة مفهومها أكبر وأعمق بكتير، الأمانة هي كلمتك بتلتزم بيها، هي سر صاحبك اللي استأمنك عليه وما ينفعش تبيعه تحت أي ظرف، هي إتقانك لشغلك في غياب مديرك لأنك عارف إن ربنا شايفك».


وأضاف: «في زماننا ده ومع ضغوط الحياة بتظهر قيمة عزة النفس كأخت شقيقة للأمانة، البني آدم الأمين اللي بيعيش بكرامة وعزة نفس ويرفض ياخد حاجة مش من حقه حتى لو كان في أشد الاحتياج إليها».


وتابع: «الأمانة بتخلي صاحبها ينام وضميره مرتاح وراسه مرفوعة وسط الناس، خلونا نراجع أمانتنا في كلامنا ووعودنا وفي شغلنا، ونفتكر دايمًا إن ضياع الأمانة هو ضياع للمجتمع كله».
الرضا.. سلام نفسي ويقين داخلي
وأضاف الليثي: «الرضا مش معناه إنك تكون كسلان ومعندكش طموح، الرضا الحقيقي هو سلام نفسي ويقين داخلي إن كل اللي يجيبه ربنا خير، هو إنك تسعى وتعمل اللي عليك باجتهاد، ولما النتيجة تيجي عكس ما كنت بتتمنى تقول من جوه قلبك: الحمد لله لعله خير».
وتابع: «مشكلتنا إننا بنبص دايمًا على اللي في إيد غيرنا، وبننسى النعم العظيمة اللي في إيدينا واحنا مش حاسين بيها، نعم زي الصحة والأمان وستر ربنا ووجود الأهل اللي بيحبونا حوالينا».
وأشار إلى أن الرسول عليه الصلاة والسلام ترك لنا نصيحة ذهبية تريح القلوب، وهي: «ارضَ بما قسم الله لك تكن أغنى الناس».
وأكد أن الغنى ليس بكثرة الفلوس، الغنى هو غنى النفس وراحة البال، ولما تصحى الصبح وتلاقي عندك قوت يومك وجسمك سليم ومعندكش مشكلة كبيرة، انت كده ملكت الدنيا.
واختتم: «خلونا نقفل باب المقارنة والشكوى اللي بتموت النعمة، ونفتح باب الرضا والحمد والثناء على ربنا، لأن قلبك لما يتملي بالرضا ربنا هيوسع في رزقك ويبارك لك في القليل ويفتح لك أبواب الخير من حيث لا تحتسب».
خدمات إنسانية متكاملة
ويقدم البرنامج خلال الدورة الجديدة حزمة متكاملة من الخدمات الإنسانية، تشمل:
- سداد ديون الغارمين والغارمات والإفراج عنهم
- إجراء العمليات الجراحية العاجلة وتوفير العلاج والأجهزة التعويضية
- تجهيز العرائس اليتيمات
- دفع المصروفات الدراسية للطلاب غير القادرين
- تمويل المشروعات الصغيرة ومتناهية الصغر للأسر المعيلة
- ترميم المنازل وتوصيل المياه والكهرباء للقرى الأكثر فقرًا
- توزيع كراتين المواد الغذائية والمساعدات الموسمية
ويُعد «أبواب الخير» واحدًا من أبرز البرامج الإذاعية الخيرية والإنسانية في مصر، حيث نجح على مدار سنوات في تغيير حياة آلاف الأسر الأكثر احتياجًا، من خلال تقديم مساعدات عاجلة وحلول جذرية للمستحقين في مختلف المحافظات.
يُذاع برنامج «أبواب الخير» يوم الأحد من كل أسبوع في الثالثة عصرًا ولمدة ساعة عبر أثير إذاعة راديو مصر 88.7 FM، والإعادة يوم الاثنين الساعة 12 ظهرًا.
---

تم نسخ الرابط