«قالت لها مش هتخلفي غير لما تخسي» ..القصة الكاملة لأزمة أيتن عامر وشيماء سيف

أثارت الأزمة بين الفنانتين أيتن عامر وشيماء سيف جدلاً واسعاً عبر مواقع التواصل الاجتماعي خلال الساعات الأخيرة، بعدما عادت إلى الواجهة تفاصيل خلاف قديم جمع بينهما منذ  خمس أعوام على خلفية تصريحات أطلقتها أيتن عامر بشأن أسباب تأخر شيماء سيف في الإنجاب، وهو ما تسبب حينها في غضب الأخيرة، لتتجدد التساؤلات حول كواليس الأزمة وتفاصيلها، وما الذي أعاد هذا الخلاف إلى دائرة الضوء من جديد.

بداية الأزمة

تعود جذور الأزمة إلى عام 2021،  حينما كشفت أيتن عامر أسباب تأخر شيماء سيف في الإنجاب، وهو زيادة وزنها مما جعلها تنصحها بضرورة السعي لإنقاص وزنها من أجل حل هذه المشكلة، قائلة لها: إنتي مش هتخلفي غير لما تخسي. 

 تجدد الأزمة 

وعادت الأزمة إلى الواجهة مجدداً في أكتوبر 2026، حينما كشفت شيماء سيف عن نصيحة أيتن عامر لها، وقالت  خلال لقائها ببرنامج “تحت الضغط” " : فيه ناس اتظلمت واتاخدت في الرجلين، واتقال إن اللي أحرجتني في موضوع الخلفة هي بدرية طلبة،  مش هي عشان حبيبتي، واتقال إنها انتصار وبرضه مش هي، أيتن عامر اللي قالتلي كده، ودلوقتي إحنا تمام، ولما بنتقابل بنسلم على بعض.

اعتذار أيتن

وردت أيتن عامر على تصريحات شيماء سيف، حيث قدمت لها إعتذارا عن ما بدر منها، موضحة أنها لا تقصد جرح مشاعرها، ولكنها توجه لهخا النصحية بكونها أحد أصدقائها المقربين. 

وقالت أيتن عامر من خلال فيديو فيديو عبر صفحتها الرسمية بموقع التواصل الاجتماعي “فيسبوك”: القصة كانت من 5 سنين، وكنا بنتكلم عن الدايت وعمليات التكميم، وقولت لها إن من ضمن مزاياه إنها بتساعد على سرعة الإنجاب، ووقتها مكنتش اعرف إن عندك مشكلة،  وأكيد مش قصدي أجرحك أو اضايقك.

وأضافت: كنتي المفروض قولت لي ساعتها، وكنت قولت لك حقك عليا، ليه تكلمني المدة دي كلها ونهزر، ونضحك مع بعض، وأنتي من جواكي زعلانة مني، أنا يعز عليا زعلك، وزعلك يضايقني، علشان إنتي عارفة أنا بحبك قد إيه.

وتابعت: انا مستحيل أضايقك أو اجرحك على المعاناة دي، لأني مريت بيها مع أختي الكبيرة اللي يرحمها، وكانت بتتعاير من أهل جوزها، وعاشت مع جوزها 12 سنة لحد ما ماتت، ومحققتش اللي كانت عايزاها، وإحنا وقتها عن الدايت مش على الإنجاب، وحقك عليا متزعليش مني. 

قبول شيماء سيف للإعتذار 

وردت شيماء سيف على إعتذار أيتن عامر بالقبول، حيث كتبت عبر صفحتها الرسمية بموقع التواصل الاجتماعي “فيسبوك”: حبيبتي يا أيتن، اعتذارك مقبول وعلى راسي، وأنا أكيد عارفة إن نصيحتك كانت عن حسن نية، بس صدقيني مش كل المواضيع ينفع فيها النصح، وخصوصًا قدام زوجي، اللي كنا وقتها مش معرّفين حد بالمشكلة فين.

وأضافت: وده اللي أقصده، إن البيوت أسرار مقفولة على أوجاعها وناسها، بس هما أدرى بيها. فخلينا دايمًا، مدام إحنا مش قريبين أوي ومجرد أصحاب وزمايل بينا عشرة حلوة، نفضل سايبين الحدود دي، وما نتعمقش أوي ونسأل أو ننصح في حاجات أكيد أصحابها أدرى بيها، ولو كان بإيديهم كانوا حلوها، لكن هي بتاعة ربنا.

واختتمت: وبمناسبة البيوت، أنا عزلت من بدري ومبقناش جيران، عشان بس تعرفي إننا مكناش بنتكلم والسلام كان لله بس، ولا يهمك، هبعتلك اللوكيشن الجديد يا قمر، وتنوري أي حتة.