بعد تصريحاتها عن الإنجاب ..أيتن عامر تعتذر لـ شيماء سيف: حقك عليا مش قصدي أضايقك| فيديو

اعتذرت الفنانة أيتن عامر  للفنانة شيماء سيف عقب تصريحاتها السابقة بشأن خسارة الوزن والإنجاب، والتي أثارت جدلًا بعد تداولها، لتخرج أيتن وتوضح حقيقة ما حدث، مؤكدة أن حديثها لم يكن بقصد جرح مشاعر شيماء أو الإساءة إليها، وقدمت اعتذارها عما بدر منها، موضحة أن الواقعة تعود إلى نحو خمس سنوات.

وقالت أيتن عامر في فيديو عبر صفحتها الرسمية بموقع التواصل الاجتماعي “فيسبوك”: القصة كانت من 5 سنين، وكنا بنتكلم عن الدايت وعمليات التكميم، وقولت لها إن من ضمن مزاياه إنها بتساعد على سرعة الإنجاب، ووقتها مكنتش اعرف إن عندك مشكلة،  وأكيد مش قصدي أجرحك أو اضايقك. 

وأضافت: كنتي المفروض قولت لي ساعتها، وكنت قولت لك حقك عليا، ليه تكلمني المدة دي كلها ونهزر، ونضحك مع بعض، وأنتي من جواكي زعلانة مني، أنا يعز عليا زعلك، وزعلك يضايقني، علشان إنتي عارفة أنا بحبك قد إيه. 

وتابعت: انا مستحيل أضايقك أو اجرحك على المعاناة دي، لأني مريت بيها مع أختي الكبيرة اللي يرحمها، وكانت بتتعاير من أهل جوزها، وعاشت مع جوزها 12 سنة لحد ما ماتت، ومحققتش اللي كانت عايزاها، وإحنا وقتها عن الدايت مش على الإنجاب، وحقك عليا متزعليش مني. 

شيماء سيف 

وكانت  الفنانة شيماء سيف قد آثارت حالة من الجدل بعد كشفها عن هوية صاحبة المقولة التي وُجّهت إليها: «مش هتخلفي غير لما تخسي»، وهي العبارة التي تحمل جانبًا مؤلمًا من تجربتها الشخصية، لتفتح تصريحاتها الباب أمام تفاعل واسع وتساؤلات حول تفاصيل الواقعة وكواليسها، ورد فعلها على هذه الكلمات التي تركت أثرًا في نفسها.

وقالت شيماء سيف في تصريحات تليفزيونية: فيه ناس اتظلمت واتاخدت في الرجلين، واتقال إن اللي أحرجتني في موضوع الخلفة هي بدرية طلبة،  مش هي عشان حبيبتي، واتقال إنها انتصار وبرضه مش هي، أيتن عامر اللي قالتلي كده، ودلوقتي إحنا تمام ولما بنتقابل بنسلم على بعض.