الرئيس السيسى: "الست محروسة تؤمر وإِحنا ننفذ"

قال الرئيس عبد الفتاح السيسى للسيدة محروسة: إنتِ تطلبى وتؤمرى واحنا ننفذ، وأنا مش هزايد أكثر من كده عليها هى تحدت تحديات كبيرة فى حياتها وولادها اللى بتتعلم وزوجها المريض وتحدت ظروفها الصعبة.

وأضاف الرئيس السيسى، خلال برنامج من مصر، المذاع على قناة سى بى سى: ربنا سبحانه وتعالى وفق الست محروسة وخلاها تبقى راضية والرضا ده أنا سامع وهى بتقول إنها بتاكل أكل بسيط بس زى الشهد واللى بيعمل ده صاحب الوجود اللى بيخلى الناس متنعمة بالقليل أو متعذبة بالكثير والرسالة واصلة لكل الناس ومش محتاج أقول حاجة لحد شوفوا واتفرجوا.

ووجه الرئيس السيسي حديثه لسيدة محروسة: ربنا يحميكى ويعينك ويراضيكى ويعوض عليكي ودعواتك الطيبة لينا من فضلك.

وعرض برنامج من مصر تقريرا عن الست محروسة تحت عنوان "الحياة للمكفوفين.. محروسة تتحدى الإعاقة وتعول أبنائها وزوجها المريض بقيادة التروسيكل.

وقالت خلال مداخلة بتقنية الفيديو مع الإعلامي عمرو خليل الحمد لله انا راضية باللي ربنا قسمهولى، انا عندى ولد أكبر منى بـ 17 سنة اللى هو زوجي مشاكله الصحية صعبة شوية، وبضحك على أي أم مش متحملة شقاوة ابنها وبقولها تعالى شوف الأبن الكبير ده عنده زهايمر وضغط وسكر وجلطة فى المخ وشيخوخة مبكرة.

وتابع: "قعدنا 3 سنين هو اللى بيصرف على البيت وأخدنى وانا معاقة وبدأت الإصابات تأتيه تباعا مما جعلني أضطر للنزول إلى العمل، ومهما كان التعب كفاية انى بقدر أؤدى رسالتي، شغلي متعب وفيه إرهاق لكن ببقى سعيدة انى أخلى أولادي ما يطلبوش حاجة من حد بعلمهم عزة النفس وعلاج زوجي مكلف جدا".