مي حلمي عن خطيبة محمد رشاد: الناس بتقول إنها شبهي بس هي لو في حلاوتي يبقى شابوه بجد 

تحدثت الإعلامية مي حلمي، عن وجود شبه في الملامح بينها وبين خطيبة المطرب محمد رشاد، بعد تداول رواد السوشيال الميديا صورًا لهما، معلقين بأن الشبه بينهما كبير، وقالت «مي»: «يخلق من الشبه أربعين، ولو اللي شبهي بالحلاوة دي يبقى شابوه بجد».

وأشارت الإعلامية مي حلمي إلى تعرضها للانتقاد دائمًا، وقالت إنها ليست الوحيدة التي تتعرض للانتقاد، فالفنانة ياسمين صبري تعرضت للانتقاد بسبب صورتها أمام الكعبة، والفنانة هنا الزاهد تتعرض للانتقاد بسبب جمالها.

وتابعت مي حلمي:«بقيت أكبر دماغي عشان الناس لما بتشوفني في الشارع بتبقى عايزة تتصور معا، وبقيت أعذرهم عشان هما نفسهم يبقوا زيي بس مش عارفين لظروفهم سواء كانت البيئة اللي عايشين فيها أو أي ظرف».

وأضافت مي حلمي: «الناس اللي بتنقد دي مش عارفة حاجة، وأول ما بيبقوا مكان الشخص اللي بينتقدوه بيقولوا لنفسهم ازاي كنت بتنقد؟ أنا غلطان، عشان كده بقيت أكبر دماغي وبقيت أركز في شغلي».