أسما شريف منير تثير التساؤلات: هي الحياة اللي أنا عايشاها دي أنا اللي اخترتها

آثارت الإعلامية أسما شريف منير حالة من التفاعل بين متابعيها، بعدما شاركتهم رسالة جديدة عبر حساباتها على مواقع التواصل الاجتماعي، تحدثت خلالها عن مراجعة الإنسان لاختياراته في الحياة، وطرحت مجموعة من التساؤلات حول مدى ارتباط ما نعيشه حاليًا بما نريده ونختاره بالفعل.

وكتبت أسما شريف منير عبر صفحتها الرسمية بموقع التواصل الاجتماعي “انستجرام": المرة دي السؤال مختلف شوية…أنا عارفة أنا رايحة فين، ساعات بنبقى مشغولين جدًا وإحنا بنعيش، لدرجة إننا مش بناخد بالنا إن في حاجات كتير في حياتنا مبقيناش بنختارها… إحنا بس مكملين فيها.

وأضافت: روتين اتعودنا عليه، حاجة بدأناها من زمان فحاسين لازم نكملها، حلم بنأجله لنسخة مستقبلية مننا، أو حتى حياة شكلها صح جدًا من بره،  بس مش عارفين هي شبهنا فعلًا ولا لأ، فالمرة دي وأنا بعمل journaling، بدل ما أسأل نفسي أنا مين.

واختتمت: حبيت أسأل هي الحياة اللي أنا عايشاها دي، أنا اللي اخترتها، هاتوا ورقة وقلم، وخدوا وقتكم مع الأسئلة.
ومتدوروش على الإجابة الصح أو الإجابة اللي شكلها حلو، دوروا على الإجابة اللي أول ما تكتبوها تحسوا آه،  هي دي الحقيقة، وبعدين ارجعوا قولولي، أنهي سؤال وقفكم؟ وأنهي إجابة خلتكم تبصوا لحياتكم بشكل مختلف.

ارتداء أسما شريف منير الحجاب 

وكانت أسما شريف منير سبتمبر 2025، قد قررت ارتداء الحجاب، ووصف هذه الخطوة بأنه قرار من القلب وعهد معه الله لراحة نفسية.