أسما شريف منير ناعية ابنة نجلاء فتحي: توفت بأزمة قلبية من كتر ما قلبها كان طيب

نعت الإعلامية أسما شريف منير، ابنة الفنانة نجلاء فتحي التي رحلت عن عالمنا بالأمس، مشيرة إلى  عمق العلاقة بينهما منذ سنوات طويلة. 

ونشرت أسما شريف منير صورة للراحلة، وذلك عبر صفحتها الرسمية بموقع التواصل الاجتماعي “انستجرام”، وعلقت عليها قائلة:  أنا اتعرفت على ياسمين سنة 2004، لأنها بنت خالة أبو بنتي. حضرت فرحها، وحضرت ولادتها، وشفتها في مراحل وحاجات كتير أوي في حياتها. سافرنا و عشنا مواقف كتير مع بعض.

وأضافت: وأي حد في الدنيا قابل ياسمين، حتى لو مرة واحدة، عارف إنها كانت من أنضف وأطيب القلوب اللي ممكن تقابلها. بنت محترمة وجميلة وطيبة، عينها على أهلها وعلى الناس الكبيرة في عيلتها، بني آدمة مؤدبة وفنانة، عمرها ما أزعجت حد بأي شيء، ولا ضايقت حد في الدنيا.

وتابعت: طول عمرها بتضحكنا من كتر طيبتها وسذاجتها و الطيبه اللي جواها، وكأنها طفلة عمرها ما كبرت، سبحان الله إن يوم ما تيجي تتوفى، تتوفى بأزمة قلبية، لأن قلبها بجد كان من كتر ما هو طيب، كان ضعيف، ياسمين شافت كتير، وشالت كتير، وعمرها ما اشتكت وعمرها ما اتغيرت، ولا قلبها اتغير. طول حياتها بتسأل عليا، وبتطمن على كل الناس اللي حواليها.

واختتمت: أنا مش قادرة أصدق إن ده حصل، خصوصًا إني لسه من كام يوم كنت بتكلم معاها، وأكيد الصدمة على أبو بنتي كبيرة جدًا، لأنها طول حياته كانت بالنسبة له من أهم وأقرب الناس ليه، ربنا يا رب يرحمها ويغفر لها، ويسكنها فسيح جناته، ويصبّر قلب أهلها وكل اللي بيحبوها، ربنا يجعل كل طيبتها وكل الخير اللي كان في قلبها في ميزان حسناتها، أنا مش مصدقه، اللهم ثبتها عند السؤال و صبر كل الناس اللي تعرفها، ارجوكم ادعوا لها.

وفاة ابنة نجلاء فتحي

وتوفت ابنة نجلاء فتحي بالأمس، حيث أعلن الفنان سيف أبو النجا وفاة ابنته، وكتب عبر حسابه الرسمي بموقع التواصل الاجتماعي “فيسبوك”:  ناعيًا إياها بكلمات مؤثرة، فيما حرص عدد من أفراد أسرتها على نعيها والدعاء لها بالرحمة والمغفرة.