محيي إسماعيل: أنا بصحى من النوم، بشوف حاجات كتير مؤذية فا بنام تاني ونفسي ارجع أمثل تاني

كشف الفنان  القدير محيي إسماعيل طقوسه اليومية داخل إقامته بدار كبار رعاية الفنانيين، كما أعرب عن تمنيه بالعودة إلى التمثيل مرة أخرى. 

وقال محيي إسماعيل خلال لقاؤه ببرنامج “صاحبة السعادة” مع إسعاد يونس من داخل دار إقامة كبار الفنانين: أنا بصحى من النوم، بشوف حاجات كتير مؤذية فا بنام تاني، وبستمتع ببعدي عن البشر وعدم استهلاك طاقتي، وابتعادي عن المشاكل، وما بتابعش أي  حاجة في العالم، ومفيش غير حد بيزورني غير ابن أخويا.

وأضاف: ولما بنام بحلم بأسرتي اللي توفت، وإني قاعد معاهم وبكلمهم ، بس بيكون حوار مش مسموع، والواحد لما بيكبر دايما بيحلم بالناس اللي توفت، لإن كان فيه الأمان معاهم، ونفسي ارجع اشتغل تاني، واعمل دور معمر القذافي اللي كنت هعمله من فترة بس مكملش، وهعمله بنفس الطريقة اللي كنت هعمله بيها زمان.

نقل محيي إسماعيل إلى دار رعاية كبار الفنانين

وفي يناير الماضي، أصدرت نقابة المهن التمثيلية  برئاسة الدكتور الفنان أشرف زكي قرارا بنقل محيي إسماعيل من المستشفى إلى دار إقامة كبار الفنانين بمدينة السادس من أكتوبر، وذلك بعد الاطمئنان على حالته الصحية واستقرارها، وتحت إشراف طبي كامل.

وكان محيي إسماعيل كشف تطورات حالته الصحية بعد نقله لدار الرعاية، وقال في تصريحات سابقة لـ «بصراحة»:  أنا نايم تعبان ودخلت دار الرعاية بإرادتي.