دوللي شاهين تفتح باب الغناء للمواهب الجديدة على TikTok Live

​في خطوة جديدة لدعم واكتشاف الأصوات والمواهب الغنائية، تستضيف الفنانة دوللي شاهين كل يوم ثلاثاء في تمام الساعة 8 مساءً مجموعة من المواهب الجديدة عبر بث مباشر على حسابها في TikTok.

​وتفتح دوللي الباب أمام كل شخص لديه موهبة في الغناء ويرغب في تقديم صوته أمام الجمهور، للمشاركة معها مباشرة خلال الـLive، والغناء والتعريف بموهبته في أجواء تفاعلية وممتعة.

​وتهدف الفكرة إلى إعطاء فرصة حقيقية للأصوات الجديدة للظهور والوصول إلى جمهور أكبر، بعيدًا عن التعقيدات والمسابقات التقليدية.
​🎶 شايف إن عندك صوت وموهبة تستحق الناس تسمعها؟
ادخل Live دوللي شاهين كل ثلاثاء الساعة 8 مساءً، وورّينا موهبتك.
​يمكن الصوت اللي الناس كلها مستنياه… يكون صوتك أنت.
​📍 TikTok Live
🗓️ كل يوم ثلاثاء
⏰ الساعة 8 مساءً
🎤 الغناء مفتوح للمواهب الجديدة
​أحدث الأعمال الفنية:
​يُذكر أن الفنانة دوللي شاهين طرحت مؤخراً أغنية «واحشاني يامه»، والتي جاءت إهداءً لذكرى والدتها الراحلة السيدة (جاكلين الراعي) ولكل الأمهات اللواتي توفين. الأغنية من كلمات السيد علي، ألحان وتوزيع هشام حسن، وتم التسجيل بستديو (سيكا ميوزك) بإدارة زياد العليمي وأحمد فتحي، ميكس وماستر السيد علي، تصوير محمد السيد، إشراف مؤمن يوسف، مستشار إعلامي عصام ميلاد نصرالله.كما تضم قائمة أعمالها أغنيات: «ترند»، «ياللا يا غدار»، «روح زورني» بمناسبة أعياد الميلاد المجيدة، «أنا الحاجة الحلوة»، «ست البنات»، «حوش الدلع»، «حكاية بنت»، «حبيبتي يا أمي»، و*«الملكة QUEEN»* التي طرحتها عبر قناتها الخاصة بموقع YouTube.
كلمات أغنية «واحشاني يامه»:
​يامه بعد فراقك .. بقى فاضى خلاص مكانك
ولا طعم الحاجة فى بعادك ... حلوة من يوم غيابك
يومى كأنه سنة .. وانا بتوجع أنا
مش عارفة أعيش من غيرك سيبانى لمين هنا
​واحشانى يامه ... واحشانى اللمة
دى فى عينى الضلمة ... محوطانى فى كل مكان
يارب الصبر القوة ... بتقطع من جوه
دى الفرقة مش حلوة ... وقلبى خلاص بيموت تعبان
​يامه إنتى خلاص سبتيني ... مين حاحكيله ويحكيلي
بتلاقي الدمعة فى عيني .. تجري فى حضنك تاخديني
لا بقينا خلاص سوا ... وانا مسنودة على الهوا
من بعد ماكنت بيكى طايلة السما
​واحشانى يامة .. واحشانى اللمة
دى فى عينى الضلمة ... محوطانى فى كل مكان
يارب الصبر القوة ... بتقطع من جوه
دى الفرقة دى مرة ... وقلبى خلاص بيموت تعبان